Kerisimasi, Faapotopotoina o Isaraelu, ma Talafaasolopito o Aiga

Sue le molimau a Elder Kazuhiko Yamashita o loo i le itulau e 30 e faitau ai e uiga i le faamoemoe, mafanafana, ma le malosi lea e oo mai e ala ia Keriso. Faatasi ai ma lou aiga, talanoa ma le agaga tatalo i meaalofa ua e maua mai le Faaola.

Suesue le tusiga o loo i le itulau e 12 mo manatu i le faaaogaina o talafaasolopito o aiga ma galuega faalemalumalu e faasoa atu ai le talalelei. Faasoa atu se tala e uiga i se tasio ou tuaa ma lau fanau. Fesili atu ia i latou po o le fea vaega o le tala e mafai ona latou fesootai i ai. I le avea ai o se aiga, e mafai ona e mafaufau i tagatae te iloa atonu e fiafia e aoao atili e uiga i o latou talafaasolopito o aiga.

Tagai i le itulau26 mo anomea e pei o se taaloga e saili ai tusitusiga paiae lagolago ai au suesuega faalevaiaso o le Sau, Mulimuli Mai ia te A‘u .

Tagai foi i lomiga o lenei masina o mekasini o le Uo ma le Mo le Malosi o le Autalavou mo tala e uiga i le talafaasolopito o le Ekalesia ma le Kerisimasi.

Mataupu Faavae o le Faatuatua

1. Tauloto se tasi pe sili atuo Mataupu Faavae o le Faatuatua faatasi ma lou aiga.

2. Afai e i ai sau fanau laiti i lou aiga e lei taulotoina Mataupu Faavaeo le Faatuatua, tuu atu ia i latou se paga e fesoasoani ia i latou.

3. Faataitai le gaoioiga lenei:

   1. Nonofo i se lio.

   2. Tauloto se mataupu faavae o le faatuatua, ma fai atu e tagata taitoatasi na o le tasi le upu i le taimi (o le tagata muamua e amata i le upu muamua, o le isi tagata e fai mai le lona lua, ma faapena ai lava).

   3. Afai e faia se mea sese, ia faasa‘o lemu le mea sese ona fai atu lea i le isi tagata e fai mai le upu e sosoo ai.

   4. Vaai pe mafai ona e faamaeaina le mataupu faavae o le faatuatua ma ni nai mea sese itiiti pe a mafai ai. Ona toe faataitai lea i se isi sauniga.

Talanoaga: E mafai faapefea e le taulotoina o nei mataupu faavae taua ona fesoasoani ia i tatou i o tatou lava olaga? O le taulotoina o nei upu mamana e mafai ona fesoasoani ia i tatou pe a atuatuvale o tatou mafaufau po o le taimi tatou te taumafai ai e tausisia ni mafaufauga mama pe lelei. O le iloaina o nei upumoni e mafai foi ona fesoasoani ia i tatou pe a fesili mai uo ia i tatou i fesili e uiga i le talalelei.

O Le Keriso Soifua: O Le Molimau a Aposetolo

Ua faatuina e Keriso se faataitaiga mo i tatou uma e mulimuli ai. A o tatou faamanatuina Lona soifua mai i lenei Kerisimasi, sei o tatou avatu ia te Ia le meaalofa o le avea e faapei o Ia. Sa fetalai mai Keriso: “O a ituaiga o tagata e tatau ona outou i ai? E moni, ou te fai atu ia te outou, e pei lava o a’u nei” (3 Nifae 27:27). E mafai ona e tuuina atu i le Faaola se meaalofa i lenei Kerisimasi e ala i le mulimuli i Lana faataitaiga?

1. Faitau faatasi parakalafa muamua e lua o le “O Le Keriso Soifua”.

2. Talanoaina mea na faia e le Faaola e faamanuia ai isi.

   1. Sa “femaliuai [o Ia] ma agalelei” (Galuega 10:38 E mafai faapefea ona tatou feoai e faia mea lelei?

   2. O Lana talalelei o se savali o le filemu ma le agalelei. E mafai faapefea ona tatou avatua le lelei i isi?

   3. Na ia augani mai i tagata uma ina ia mulimuli atu i Lana faataitaiga? E mafai faapefea ona tatou mulimuli i le faataitaiga a Keriso?

3. Tusi i lalo pe tusi se ata o lou manatu o se meaalofa mo le Faaola.

4. Tuu i se mea e fai ma faamanatu o lau sini i lenei tausaga.

Talanoaga: O le a se mea e mafai ona e faia e faamanuia ai olaga o isi e pei ona sa faia e le Faaola? E faapefea e le faatuina o se faataitaiga o le mulimuli ia Keriso ona aumaia isi i le Faaola?