O LouFaasinomaga Paia

O nisi o i tatou sa ola ae i le usuina o le pese “O le Atua lo‘u Tamā” (Viiga, nu. 184) pe na aoaoina i se taimi. Ae e tusa lava pe e te taulotoina upu, e faigofie lava ona le iloa le taua o lo tatou tupuaga faalelagi.

Na aoao mai le Aposetolo o Paulo e faapea e sili atui tatou nai lo tagata faaletino:

“O loo molimau mai lea lava Agaga i o tatou agaga,o fanau i tatou a le Atua” (Roma 8:16).

Ua toe faamautu mai e perofeta ma aposetolo o aso nei lenei upumoni. Na aoao mai Peresitene M. Russell Ballard, o le Sui Peresitene o le Korama a Aposetolo e Toasefululua: “Ona o i tatou o fanau agaga a le Atua, ua tofu tagata uma ma se faapogai paia, natura, ma gafatia. O i tatou taitoatasi ‘o se atalii po o se afafine agaga faapelepele a ni matua faalelagi.’ O lo tatou faasinomaga lenei! O i tatou moni lava ia!”¹

O lenei upumoni e aofia ai le malamalama sa tatou nonofo faatasi ma le Atua a o lei oo i lenei olaga, sa foafoaina i tatou i Lona faatusa, ma e le gata ina i ai so tatou natura paia ae o se taunuuga paia foi.

E oo lava i nei faamanatu uma, e mafai lava i nisi taimi ona tatou fesiligia po o ai i tatou. E galue pea Satani ina ia tatou le iloa po o ai i tatou aua na te silafia a tatou malamalama ma ola e tusa ai ma lo tatou faasinomaga paia, e faamanuiaina i tatou i le mana paia. E mafai ona faateleina lo tatou mautinoa pe a tatou iloa le Tama Faalelagi ma Iesu Keriso.

A o e suesue i tusitusiga paia, vaavaai mo faamaoniga o le alofa o le Atua mo Ana fanau. Tatalo ia vaai i le aao o le Atuai lou olaga, ma tusifaamaumau taimi e te lagona ai Lona alofa pe iloa Lana taitaiga. Afai e oo mai ni mafaufauga le lelei, faamanatu ia te oe lava pe faapefea ona e iloa e silafia ma popole le Atua ia te oe.

Aoao uiga auaumama o le Faaola. A o e faia, o le a mafai ona e vaai lelei ia i latou ia te oe lava ia ma maua se vaaiga manino o le tagata e mafai ona e avea ai ma Lana fesoasoani (tagai Moronae 7:48).

Ma o le atiina ae o se sootaga vavalalata ma le Tama Faalelagi ma le Faaola o le a fesoasoani e te iloa ai le gafatiae le iu o loo La vaaia ia te oe.

O le a la se mea e mafai ona faia e lenei malamalama mo oe? A tatou malamalama moni lava o i tatou o fanau a le Atua, e mafai ona tatou:

• Maua lo tatou taua i la tatou sootaga ma le Atua nai lo punaoa lē tumau pe faalelalolagi.

• Vaai ia aveesea e Lona alofa le fefe ma aumaia le filemu i o tatou olaga (tagai 1 Ioane 4:18).

• Vaai i tua atu o o tatou eseesega ae alofa i isi. O i tatou uma o “uso ma tuafafine ua noatia i se tofi paia masani,” na faamalamalama mai e Peresitene Ballard. “O lena mea moni faigofie ma autasi e tatau ona suia ai isi mea uma tatou te faatagaina e faatupu ai le tuueseeseina ma le fevaevaeai i totonu o i tatou.”²

• Ia i ai se vaaiga e faavavau. O lo tatou faasinomaga paia e faamanatu mai ai ia i tatou la tatou sini faaiu—ia avea e faapei o o tatou matua faalelagi ma toe foi atu e nonofo faatasi ma i latou. E pei ona aoao mai Elder José A. Teixeira o le Fitugafulu, “O le malamalama po o ai moni lava oe e saunia lelei ai oe ia iloa ma manatua lou ala e toe foi atu ai i lou aiga faalelagi ma naunau ia i ai iina.”³

• Saili le talitonuga ma le faalagolago pea i le taitaigaa le Atua e ala i avanoa uma, luitau, ma aafiaga e oo mai i lo tatou ala.

O le iloaina po o ai moni i tatou e fesoasoani ia i tatou e maua ai le fiafia ma le filemu tumau. O lea la, a oo ina faigata le olaga po o le leotele o le lalolagi, ia manatua o le a i ai pea lo tatou Tama Faalelagi iina e fesoasoani ia i tatou e vaai ia i tatou lava po o ai moni i tatou ma e mafai ona avea ai.