O Leo o le Au Paia o Aso e Gata Ai
O La Ma Meaalofa Laitiiti Na Faia se Eseesega Tele
Sa ma aoaoina o nai faatinoga laiti o le auauna atu e mafai ona faamanuiaina ai olaga i ni auala mamana.
Mo le Kerisimasi i se tasi tausaga, sa faia ai e lo‘u toalua, o Julia, ni lole-laau sukalati sa ma afifiina i ni tamai pusa teuteuina. Ona ma asiasi atu lea ia i latou i le paranesi e tautatala faaSipaniolo sa ma auauna atu i ai ma avatu iai latou a ma meaalofa, faatasi ai ma moomooga mo se Kerisimasi fiafia.
Ina ua ma taunuu atu i le fale o Uso Sanchez, o se tagata agalelei, ma matua o le matou paranesi, sa ma tuitui ma faatalitali. E leai se tasi na i ai i le fale, o lea na ma tuua ai le lole i lana pusameli.
I ni nai vaiaso mulimuli ane, i le taimi o le sauniga faamanatuga, sa saunoa ai Brother Sanchez e uiga i lona liua ma le tele o vavega sa ia oo i ai i lona olaga atoa. Sa ia molimau mai i le mana ofoofogia o le Tusi a Mamona e tali ai fesili aupito loloto o le olaga. Sa ia siiae se seti o tusitusiga paia sa ia mauaina i le tele o tausaga ua mavae mai faifeautalai sa aoaoina o ia. Sa gatete lona siufofoga i lona alofa ma le molimau i le Alii.
Ona faia lea e Brother Sanchez se mea matou te lei faamoemoeina. Sa ia faatu la ma tamai pusa teuteuinai luga o le pulelaa. Sa ia fai mai ina ua ia mauaina le pusa, na te lei manatu o le a ia ‘aia mea suamalie ona o iao se tagata mai suka. Nai lo lena, sa ia tuuina le pusa i luga o lana laulau o le moega ma galo ai.
I ni nai aso mulimuli ane, a o taoto o ia i lona moega, sa ia lagona le faafuasei ona pau maualalo le suka o lona toto. Na lofia o ia i le fefe ina ua amata ona gatete lona tino. Sa ia iloaina sa feagai o ia ma se faalavelave faafuasei, ma le iloaina atonu e manaomia ona ia valaau atu i se taavale a le falemai. Ona ia matauina lea o le pusa. Sa ia uuina, tatala, ma vave ona ai sukalati. Sa ia lagonaina le toomaga a o toe foi mai le suka o lona toto i le tulaga masani.
Sa sii i luga e Brother Sanchez le atigipusa gaogao ma molimau atu o nai faatinoga laiti o le auauna atu e mafai ona faia ai se eseesega tele. Sa ia molimau mai o na aafiaga e le o se mea na tupu faafuasei ma o loo i ai le aao o le Tama Faalelagi i auiliiliga o o tatou olaga.
Sa faalotomaualaloina i ma‘ua ma lo’u toalua i le iloaina o le ma faatinoga laitiiti o le auauna atu sa faia ai se aafiaga tele ia te ia ma atonu foi na faasaoina ai lona ola. A o tatou faia ni galuega laiti o auaunaga mo i latou o siomia i tatou, o le a tatalaina e le Alii avanoa e faamanuia ai olaga i ni auala mamana.