O Le Meaalofa lē Mafaatusalia o leAlo Paiao le Atua

I lena lava taimi, sa ou mafaufau aii lagona o lo tatou Tama mo Lona Aloa o puapuagatia Iesu Keriso i Ketesemane. Atonu na ootia le Tama Faalelagi ma tutulu ina ua Ia faafofogaina le tatalo a Lona Alo: “Ava, lo’u Tama e, e te mafaia e oe mea uma lava; ia e aveeseina lenei ipu ia te a‘u: a e aua le faia lo’u loto, a o lou finagalo” (Mareko 14:36).

“Ona faaali mai ai lea ia te ia o le agelu mai le lagi, ua faamalosi ia te ia.

“Ua puapuaga o ia, ua atili ai lana tatalo; o lona afu foi ua pei o alualu toto ua pau ifo i le eleele” (Luka 22:43–44).

Sa faamaea e lo tatou Faaola Lana Togiola e ala i le puapuagatia i le Faatoaga o Ketesemane, maliu i luga o le satauro, ona toetu ai lea. Ou te matua faafetai onao Lona alofa tele mo Lona Tama ma i tatou, sa faia ai e Iesu le finagalo o le Tama.

I lenei vaitau o le Kerisimasi, e tele avanoa tatou te mafaufau ai i lo tatou Faaola, o Iesu Keriso. O a ni meaalofa ua tatou maua ona o Ia? O a ni meaalofa o le a tatou mauaina? E mafai ona tatou maua tali i tusitusiga paia, i le pepa o faamatalaga “O Le Keriso Soifua,” ma mai faaaliga faaletagata lava ia.

Ata

painting of Christ in Gethsemane

O le Alii lava Ia o se meaalofa mai lo tatou Tama Faalelagi ia i tatou. “Aua ua faapea lava ona alofa mai o le Atua i le lalolagi, ua Ia au mai ai lona Atalii e toatasi, ina ia le fano se tasi e faatuatua ia te Ia, a ia maua e ia le ola e faavavau” (Ioane 3:16).

Na fetalai mai Iesu, “O a’u le leoleo mamoe lelei: e tuu atu e le leoleo mamoe lelei o lona ola e sui a’i mamoe” (Ioane 10:11). Na ia faapea mai foi, “Aua foi o le Atalii o le tagata na le sau o ia ina ia auauna tagata ia te ia, ae peitai ia auauna o ia, ma foaiina atu lona ola o le togiola e sui ai tagata e toatele” (Mareko 10:45; tagai foi Mataio 20:28).

“Na Ia tuuina atu Lona soifua e togiola ai agasala a tagata uma. O Lana [taulaga] o se meaalofa sili foaifua mo i latou uma e soifua mai i luga o le fogaeleele.”¹

Ou te matua faafetai lava mo Lona soifuaga ma Lana Togiola.

Ua tuuina mai e le Alii ia i tatou le meaalofa o le faamoemoe. E ala i le Togiola a Iesu Keriso, e le gata e mafai ai ona tatou faatoilaloina le oti faaletino ma le oti faaleagaga, ae ua faamamaina foi i tatou, faapaiaina, faamagaloina, ma faamalosia. O Lona soifua ua aumaia ia i tatou le toetutu (tagai Alema 11:42–43; Mataupu Faavae ma Feagaiga 18:10–12), malamalama (tagai Mataupu Faavae ma Feagaiga 50:24), ma le alofa tunoa ma le upumoni (tagai Ioane 1:17) ma e mafai ona aumaia ia i tatou le ola e faavavau ma le faaolataga (tagai Ioane 3:16, 17; 6:35, 51; 10:9; 14:6; Eteru 3:14). A o tatou faatuatua ia te Ia, salamo, osia feagaiga paia, ma taumafai e tausia na feagaiga, Na te aumaia ia i tatou le malamalama ma le faamoemoe (tagai Luka 2:25–32; Ioane 8:12; 1 Korinito 15:19–23; Moronae 7:41; Mataupu Faavae ma Feagaiga 50:24; 84:44–46; 93:7–10).

Ua tuuina mai e le Alii ia i tatou meaalofa o le faamafanafanaga, poloaiga, ma le malosi faaleagaga. E le gata i lea, ua tuuina mai e Iesu Keriso ia i tatou le faamafanafanaga, fesoasoani, Ana aoaoga, o Ana faataitaiga (tagai 1 Peteru 2:21), o le lalolagi (tagai Mosaea 3:8), mana, fiafia, malosi, filemu, olioli, faaaliga, ma poloaiga (tagai Ioane 13:34; 15:12).

Sa molimau Peresitene Russell M. Nelson: “O le Alo o le [Atua], o Iesu Keriso, na ofoina mai Lona soifua mo i tatou. Ina ia mafai ai ona tatou maua le mana faaleatua—le mana lea ua lava e taulimaina ai avega, faafitauli, ma faaosoosoga o o tatou aso.”²

Na saunoa mai Peresitene Nelson e mafai ona tatou maua le mana o le Alii i o tatou olaga e ala i le:

• Aoao e uiga ia te Ia.

• Filifili ia faatuatua ia te Ia ma mulimuli ia te Ia.

• Osia o feagaiga paia ma tausia ma le maelega.

• Aapa atu ia te Ia i le faatuatua.³

E mafai faapefea e Iesu Keriso ona ofoina mai le tele o meaalofa ia i tatou? Aua e pei ona fetalai mai le Atua le Tama, e pei ona fetalai Iesu Keriso lava Ia, e pei ona saunoa mai perofeta, ma e pei ona fai mai agelu, o Iesu Keriso o le Alo paia o le Atua.

I le aso 29 o Aperila, 2019, sa papatiso ai lo‘u tama faaletulafono, o le sa 95 tausaga le matua. O se vavega moni lava mo lana fanau, fanau a fanau, ma fanau a fanau a fanau. Sa ma faatalitali mo lona papatisoga mo se taimi umi lava. Oka o se meaalofa mo lo matou aiga!

O le a le mea na suia ai o ia? Aisea na ia tautinoai e papatiso?

I ni nai masina a o lei papatisoina o ia, sa maua ai o ia i le pe o le tino ma sa faataotolia i le falemai. Sa toe foi atu lo‘u toalua o Tazuko, i le fale e vaai o ia. Sa fiafia tele o ia e vaai ia te ia. Sa fefe o ia nei le vaai ia te ia a o lei maliu o ia. Sa amata ona ia ta‘u atu ia te ia le tele o mea sa popole i ai o ia. Sa mafaufau o ia i lona falelauasiga.

Ae na tau atu e Tazuko ia te ia, “Tama, afai e te faalagolago i le Atua ma tuu atu mea uma ia te Ia, o le a toafimalie lou mafaufau ma o le a e lagonaina le filemu.” Sa ia faamatala e uiga i le fuafuaga o le fiafia a le Tama Faalelagi ma mea na faia e le Faaola o Iesu Keriso mo i tatou. Sa la talanoa e uiga i le lalolagi o agaga, lea ua i ai le ava a lo‘u tama faaletulafono, lona atalii matua, ma ona matua. “O le isi lalolagi o le a ofoofogia,” o lana tala lea.

Sa ia ta‘u atu foi ia te ia e sili atu le mafai ona alu iina e aunoa ma se agasala. Sa ia fai atu e faafetai i le Togiola a Iesu Keriso ma faafetai i le papatisoga, e mafai ona le pona o ia i luma o le Atua. Sa ia mafaufau teisi ma fai mai, “Ou te fia papatiso.”

Ona ia fai mai lea, “E ese le matagofie o le vaaia o lau fanau o faamautuina o latou lava faatuatua ma faaauau pea ona o i le lotu, tausi poloaiga, ma faalagolago i le Atua. Ua matua faagaeetia lava au ia i latou.” Ma i le filemu ma le ootia, sa ia fai mai ai, “E taua tele le aiga! E matagofie le mafai ona tasi lo tatou aiga.

Ina ua auai o ia i le Ekalesia, sa ou fesili i lo‘u tama faaletulafono pe aisea na iu ai ina ia tautino atu e papatiso. Sa tali mai o ia e aunoa ma se faatuai, “Ua ou filifilia le mea tonu.”

Ua faailoa e lo’u tama faaletulafono le mea na aoao mai e Peresitene Nelson: “O le talalelei a Iesu Keriso ua faatumulia i Lona mana, lea ua avanoa i afafine poo atalii uma o le Atua e saili atu ma le naunautai.”⁴

“E leai lava se isi ua i ai se aafiaga matua loloto na’uā o i latou uma na soifua ma o le a soifua ai i luga o le fogaeleele.”⁵ O le faatosinaga a Iesu Keriso ma Lana Togiola e le iu. E aumaia ia i tatou le mana e filifili ai, ma e aumaia ai ia i tatou le mana e sui ai.

O Lana talalelei sa, ma o se savali o le filemu ma le agalelei. Na ia augani mai i tagata uma ina ia mulimuli atu i Lana faataitaiga.⁶

Ou te iloa e ala mai i Ona soo ma auauna, o loo Ia savalia ai pea auala i le lalolagi atoa, faamaloloina o e mama‘i, faapupula i e tauaso, ma faatutu mai e ua oti. Ou te iloa e ala mai i le toatele o tagata faamaoni o le ekalesia, faiaoga, faifeautalai, uso o auaunaga, ma tuafafine o auaunaga, o loo Ia aoao mai pea upumonio le faavavau, le moni o lo tatou olaga i le muai olaga,le faamoemoega o lo tatou olaga i le lalolagi, ma le gafatia o atalii ma afafine o le Atua i lenei olaga ma i le olaga a sau.

O Ia o le Alo soifua o le Atua. Ua Ia valaaulia i tatou e galulue ma Ia. Ma e toatele tagata e tali atu i Lana valaaulia. Ou te molimau atu o Ia o se meaalofa e le mafaatusala ma ua Ia aumaia ia i tatou le teleo meaalofa e ala i Lona soifuaga ma Lana misiona.