Vakabauta ni Dua na Tina

Na yacai tinaqu o Tatiafogaega Tausagafou Brown-Fuimaono.

Ni se gone kina o koya, o Tatia a bula tiko ena dua na vale vata kei na nona matavuvale e Matautu Lefaga, Samoa. Na tamana, Palauni Brown, a dua na lewe ni Lotu i Jisu Karisito ni Yalododonu Edaidai, ia a sega ni dau lotu tiko ena Lotu o koya me dua toka na gauna. E nanuma sara o Tatia ni dau vakayaloqaqataki watina o tamana kei na lima na luvena (ena gauna oya) me lako ki na nona lotu, dina ga ni sega o koya.

Na tinai Tatia a lewenilotu yalodina ni Congregational Christian Church of Samoa (EFKS). Ni dau veisiko mai e nodrau vale na daukaulotu mai na lotu nei watina, e sega ni vinakata o koya me ratou veitalanoa vakavinaka, ia a ciqoma o koya na nodratou ibolebole me wilika na iVola i Momani. Na vola oqo e yavalati koya, ka sega ni bera oya—e dina ga ni sega ni vakadonuya me taura na lesoni ni daukaulotu—sa wiliwili e veisiga mai na iVola i Momani o tinai Tatia.

E dua na siga, sa tukuna vei Tatia o Tinana me lai kauta mai eso na vatu levu raraba me bika sobu na beleni taunamu. Talairawarawa sara o Tatia ka gole yani ki na mata ni vale, ia ni bera ni tomika e dua na vatu, a sega ni kila nona bale sobu.

A cici ituba o tinana, ka qai qolou. Sa tekivu me batabata ka vulaci ka sa sega tiko ni cegu. Na vakanananu tarava ka gole mai ki vei tinana oya me kacivi rau na italatala qase: na daukalotu mai na lotu i watina.

Sa sega ni vakilai koya o Tatia me vica na miniti, na gauna rau sa yaco mai kina na daukaulotu. Rau solia sara vei koya e dua na veivakalougatataki ni veivakabulai, ka sa tekivu sara me yadra mai, ka nanuma sara o Tatia ni rogoca tiko e dua na domodrau na kaulotu ni kaya, “Tinana, kua ni leqataka. Ena bula vinaka tale o koya. Sa tiko na cakacaka me cakava o koya mai vua na Tamada Vakalomalagi. Na vakalougatataki iko kei iratou na luvemu baleta na nomu vakabauta.”

Mai na siga oya ka lako yani, a vakadinata o tinai Tatia na veika mai yaco oqo—na cakamana ni veivakabulai ni luvena—vakadeitaka vei koya na dina ni iVola i Momani, na Lotu i Jisu Karisito ni Yalododonu Edaidai, ka dina sara, na matabete ni Kalou. A papitaiso o koya ena 1959 ka vakatabuya na vo ni nona bula ki na cakacaka ni Turaga, vakabibi na sokomuni Isireli ena yasana ruarua ni ilati.

Ni bera ni mai takali yani okoya e na 2019—ena yabaki ni bula 90—sa kalougata o tinai Tatia ni mai vakadinadinataka ni mai yaco na nona parofisai na daukaulotu. Sa mai ciwa kece na luvena ka ra sa kaukauwa, ka bulabula ena Lotu, ono vei iratou lai veiqaravi vaka daukaulotu. O iratou sa tomana tiko na veisusu vei na dui luvedra ena Kosipeli I Jisu Karisito, ka dua tale itabatamata ni Yalododonu Edaidai sa rawa ni vakavinavinaka vua e dua na budra yalodina ni solia vua na iVola I Momani e dua na madigi.

Me vaka ni’u luvei Tatia yalewa ena italanoa oqo, au tucake tu ena itabatamata o ya. Na yacaqu o Foketi, ka’u tubu cake vata kei buqu o Foketi Masani Le Mamea-Brown, ni sega ga ni lolomataka vei au na yacana, ia a dua talega na bula ni loloma kei na vuli. Na buqu—‘Ma’—a veiqaravi vagumatua I vale me vaka ena vei kacivi ni Lotu, ka’u vakadinata na nona cakacaka ena vakabauta ka malua ka sega ni cega e veisiga. A vakatavulici au o koya ena yalololoma, solibula, cakacaka vakaukauwa, veiqaravi sega ni nanumi koya ga, kei na cakamana e rawa ni yaco mai ni lako e veisiga ki valetabu.

Mai vei Ma, au a vulica kina na talairawarawa, me’u dau sauma vakadodonu na noqu ikatini, me’u vakavakarau ki na dua ga na ka, me’u daumasu tikoga, ka dau loloma ka sega ni mudu. Me’u na dau bula tikoga ka ivakadinadina me baleta na isolisoli ni vakabauta nei buqu daulomani.