E Rua na iTabatamata ni Veiqaravi vaka Daukaulotu ena Rua na Matavuvale mai Viti

E rua na goneyalewa ka veiqaravi tiko vaka daukaulotu ena Lotu i Jisu Karisito ni Yalododonu Edaidai e Viti a kunea e dua na ka veivakurabuitaki na gauna lekaleka ga oqo.

Rau lesi walega oqo me rau veitokani o Lolene Tuiqali kei Josephine St. John, na vanua rau na ivakatikotiko kina ka cakacaka vata.

Sega ni dede mai na gauna rau sa tekivutaka kina na nodrau veiqaravi vakaveitokani ni kaulotu, a qiriti tamana o Sister Tuiqali ena vidio. Ni rau veitalanoa tiko a kila mai ni itokani nei Sister Tuiqali e luvena yalewa e dua na turaga a veiqaravi vata kei koya ena gauna a kaulotu voli kina mai Viti ena 1987.

Erau sa vakavulici ira tiko na tamata o Lolene Tuiqali kei Josephine St. John ena kosipeli vakalesuimai i Jisu Karisito ka veiqaravi vakaitikotiko vakaveitokani daukaulotu e Viti me tekivu mai na Feperueri ena yabaki oqo.

Era sa veiqaravi tiko ena gauna oqo na volodia ena vanua o Nadi, ka sega ni yawa sara mai na vanua erau veitokani tiko kina na tamadrau.

“Keirau a imelitaka na neitou peresitedi ni kaulotu ena siga o ya ka kaya, ‘Na ka dina: o rau na tamai keirau erau a veitokani talega ena kaulotu e Viti,’” e kaya o Sisita Tuiqali.

“Au sa marau dina, ia a marau vakalevu cake o tamaqu ni kila ni’u na laki veiqaravi vata kei Sisita Tuiqali,” e kaya o Sister St. John. “A vakasalataki au vakalevu o koya me baleta na veiqaravi ena vanua qo o Viti.”

“Erau sa veivakalougatataki tiko o Sister Tuiqali kei Sister St. John ki na Tabana ni Kaulotu e Viti Suva,” e kaya o Brad Markus, na peresitedi ni Tabana ni Kaulotu e Suva Viti.

“Dina ni rau sa veitokani sa ivakadinadina ni sa dau nanuma tiko na Tamada Vakalomalagi na veika kece sara ni noda bula. E ka ni marau ni da kila ni a vakarautaka na Tamada Mai Lomalagi e dua na madigi vei rau na tama me rau veitokani ka qai vakalougatataki ira talega ni oti 34 na yabaki ena nodra vakatara na luvedrau yalewa me rau veiqaravi vakaveitokani daukaulotu.”

Rau a sotava rawa na rua na goneyalewa daukaulotu oqo e vuqa vei ira na tamata vata ga era a veiqaravi kina vakaulotu na tamadrau, ka vuqa na tamata era sa wasea vei rau na italanoa me baleta na tamadrau.

“Au vinakata me’u sotava na veika vata ga e dau tukuna vei au o tamaqu me baleta na nona kaulotu,” e kaya o Sister St. John. “Na gauna au kila ni’u na veiqaravi tiko e Viti, e vaqaqacotaka sara ga na noqu gugumatua ni veiqaravi.”

Erau a vakamacalataka talega ni bera ni rau veitokani, erau dau veitaratara tikoga vakalailai na tamadrau, ia me vaka ni rau sa veitokani, erau dau veivosaki e veimacawa na tamadrau.

“Sa dua na ka talei ni da raica na cakamana,” e kaya o Sister Tuiqali. “Era sega ni cakamana vata ga era a sotava na tamai keirau, ia na cakamana vei keda yadua. Sa vinaka sara vei keirau ruarua, vakauasivi vakaveitokani.”

Ena vuku ni vakatatabu ni COVID-19 e Viti, sa gadrevi kina vei ira na daukaulotu me ra buli vou na nodra vakasaqara na sala me ra yacovi ira era tu wavoliti ira. E vuqa era sa kunea rawa ka vakavulici ira ena initaneti. E vakamacalataka o Sister St. John ni sa toso cake na nona kila na tekinolaji ni sa vulica me vakayagataka ena gauna ni nona kaulotu.

Sa sivia e ono na vula na nona veiqaravi vakadaukaulotu o Sister Tuiqali, ka sa nona ilesilesi vou me vakavulici Sisita St. John, ka a tekivutaka na nona veiqaravi ena Feperueri.