Ngaahi faitatau ʻia Siosefa ʻo ʻIsipité mo Sīsū Kalaisí

ʻOku ʻi he Fuakava Motuʻá ha ngaahi kikite, ngaahi talanoa, mo ha ngaahi fakataipe lahi ʻoku nau fakamelomelo e moʻui mo e misiona ʻo e Fakamoʻui ko Sīsū Kalaisí. Ko e taha ʻo e ngaahi talanoa ko ʻení ko e talanoa ʻo Siosefa ʻo ʻIsipité.

ʻĪmisi

ngaahi ʻīmisi kehekehe, hangē ko ha lami mo ha foʻi maá, ki hono fakatātaaʻi ʻo e ngaahi meʻa ʻoku faitatau ai ʻa Siosefa ʻo ʻIsipité mo Sīsū Kalaisí

Ngaahi tā fakatātā ʻa Andrew Colin Beck

Siosefa ʻo ʻIsipité	Sīsū Kalaisi
Naʻe hoko ʻa Siosefa ko ha tauhisipi (vakai, Sēnesi 37:2).	Ko e taha ʻo e ngaahi huafa ʻo Kalaisí ko e “[tauhisipi] leleí” (Sione 10:11).
Naʻe fakatau ko ha pōpulaʻa Siosefa ki ʻIsipite (vakai, Sēnesi 37:26–28).	Naʻe lavakiʻi ʻa Sīsū ʻaki ha konga siliva ʻe 30—ko ha totongi ʻo ha pōpula (vakai, ʻEkesōtosi 21:32; Mātiu 26:15).
Naʻe ʻikai fakatokangaʻi ʻe he ngaahi taʻokete ʻo Siosefa ia ʻi heʻenau omi ki ʻIsipite ke fakatau meʻakaí (vakai, Sēnesi 42:7–8).	Naʻe ʻikai fakatokangaʻi ʻe he kakai ʻo Kalaisí ko Ia ʻa e Fakamoʻuí (vakai, Luke 4:22, 28–29; Sione 1:10).
Naʻe fakahā ʻe Siosefa ia ki hono ngaahi taʻoketé ʻi he taimi ne nau haʻu ai ke nau talanoa hono tuʻo uá (vakai Sēnesi 45:1–5).	ʻE fakahā ʻa Kalaisi ki ʻIsileli ʻi Heʻene Hāʻele ʻAnga Ua Maí (vakai, Mātiu 24:30–31; Tokāteline mo e Ngaahi Fuakava 88:104).
ʻI he muimui ʻa Siosefa ki he fakahinohino ʻa e ʻOtuá, naʻá ne maʻu ha mā feʻunga ke fakahaofi ʻa ʻIsipite mei he hongé (vakai, Sēnesi 47:13–19).	Ko Sīsū Kalaisi ʻa e “mā ʻo e moʻuí” (Sione 6:35; vakai foki, veesi 51).