O le a le Mea na Aoao Mai e Isaia e uiga i le Avea ma se Auauna a le Alii?

E masani ona ta’ua e le Alii Ona soo o Ana auauna po o molimau. O na faaupuga e taatele i tusitusiga paia, ma o le tusi a Isaia e lē o se tuusaunoaga. I taimi o le Feagaiga Tuai, faapea foi i aso nei, na tuu atu ai e le Alii i tagata ni avanoa e auauna atu ai ia te Ia ma avea o se molimau ia te Ia.

• A o e faitauina le Isaia mataupu 40–49, vaavaai mo taimi na fetalai mai ai le Alii “auauna” po o le “molimau.” O ai o loo Ia faatatau i ai? Vaavaai mo fuaiupu o loo aoao mai ai le ala e mafai ai ona avea oe ma se molimau ma se auauna i le Alii, e pei o le Isaia 44:2.

  Ata

  Iosefa Samita o loo tala’i atu

  Iosefa Samita o loo Talai Atu, saunia e Sam Lawlor © 2001

• Ma a o e faitauina mataupu 41–44, atonu e te mafaufau po o fea fuaiupu e mafai ona faatatau i lou valaauga po o le auaunaga. O le a le mea o loo fetalai mai le Alii ia te oe e fai, ma o le a faapefea ona Ia fesoasoani ia te oe?

  Ata

  tamaitai foliga ataata e toatolu

• O a ni avanoa ua tuuina atu ia te oe e avea ai ma auauna po o se molimau a le Alii? O faataitaiga e mafai ona avea o se valaauga, misiona, aoaoina o lou aiga, po o isi auaunaga. E mafai ona e lisiina na aafiaga i lau api o talaaga. O a ni mea na e aoao mai ai? Na faapefea ona fesoasoani le Alii ia te oe?

  Ata

  faifeautalai o loo auauna atu