Pe Mafai Ea ona Fausia Siona i Aso Nei?

Ata

faifeautalai ma se vaega o tagata i le lotu

Ata pue mai faaaloaloga a tusitala

Mai tagata na faatuina le aai o Enoka ma mai sa Nifaē ina ua mavae le asiasiga a Keriso, ua tatou aoao ai e uiga i nuu na alofagia ma tausia e le tasi le isi i se ala matagofie ma paia. I le avea ai ma se ulugalii, sa masani ona ma tautomānatu, faamata e mafai ona i ai se nuu faapena i aso nei?

I nai tausaga ua mavae, na faamanuiaina i ma’ua i avanoa e olioli ai i le fegalegalea’i ma le toatele o tagata sulufai mai Aferika o e na toe masii atu i Spokane, Uosigitone, ISA. A o ma fausia ni sootaga ma nei tagata taitoatasi ma aiga matagofie, na avea i ma’ua ma e ua faamanuiaina i le tele o le alofa ma le agalelei. Ma te fiafia lava mo outou e faalogo atu i nisi o a latou tala (tagai i le itulau e 8). Ua tele mea ua ma aoaoina mai lo latou faatuatua ma le alofa mo lo tatou Faaola, o Iesu Keriso. O o latou aafiaga, talatuu, ma le naunautaiga e mulimuli ia te Ia ua matuā faatamaoaigaina ai o ma olaga ma faamalosia ai lo matou aiga faaleuarota ma lo matou nuu atoa.

O a ma uo Aferika o ni faataitaiga sili o le avea ma soo. E pei ona aoao mai e Elder Dale G. Renlund i tatou i lenei lomiga, sa lē gata ina talosaga atu Iesu i Ona soo o le Feagaiga Fou e mulimuli ia te Ia ae sa valaaulia foi soo uma i le lumanai e aofia ai i tatou taitoatasi, e mulimuli ia te Ia. I le avea ai ma soo “e manaomia ona tatou faaogatusa ma le lotofuatiaifo o o tatou loto ma le finagalo o lo tatou Tama oi le Lagi” (tagai i le itula 4). O le faia o lena mea, e mafai ai ona tatou aoao ia alolofa atu e pei ona Ia alofa ma auauna atu e pei ona Ia finagalo tatou te auauna atu ai.

Ioe, e mafai ona fatuina se nuu o tagata o e alolofa ma tausia e le tasi le isi i se ala matagofie ma paia. Ua ma vaai i ai ua tupu.

Ma le faamaoni lava,

Alice ma Filipo Huber