« តើព្រះគ្រីស្ទអាចប្រទានអំណាចដល់ខ្ញុំដើម្បីធ្វើការណ៍ដ៏អស្ចារ្យដោយរបៀបណា ? » លីអាហូណា ខែ មីនា ឆ្នាំ ២០២៣ ។
ចូរមកតាមខ្ញុំ
តើព្រះគ្រីស្ទអាចប្រទានអំណាចដល់ខ្ញុំដើម្បីធ្វើការណ៍ដ៏អស្ចារ្យដោយរបៀបណា ?
នៅក្នុងឆាកជីវិតរបស់យើង កាលដែលយើងខិតកាន់តែជិតព្រះគ្រីស្ទ និងរៀនស្តាប់ព្រះសូរសៀងនៃព្រះវិញ្ញាណ យើងអាចនឹងត្រូវបានបង្គាប់ឲ្យធ្វើអ្វីដែលយើងមានអារម្មណ៍មិនប្រាកដចិត្តអំពីរឿងនោះ ។ ដូចជាពេត្រុសដើរនៅលើទឹក យើងក៏អាចទទួលបានអំណាចដើម្បីធ្វើអ្វីដែលយើងមានអារម្មណ៍ថាមិនអាចធ្វើទៅបានជាយូរមកហើយ កាលដែលយើងផ្តោតលើព្រះគ្រីស្ទ ដូចជាអ្វីដែល អែលឌើរឃ្វិនថិន អិល ឃុក នៃកូរ៉ុមនៃពួកសាវកដប់ពីរនាក់បានបង្រៀនថា « រស់នៅដោយសេចក្តីជំនឿ កុំរស់នៅដោយសេចក្តីភ័យខ្លាចឡើយ » ( « Live by Faith and Not by Fear » Liahona ខែ វិច្ឆិកា ឆ្នាំ ២០០៧ ទំព័រ ៧០ ) ។
សកម្មភាព
សូមអាន ម៉ាថាយ ១៤:២២–៣៣ និងគូសបញ្ជាក់ពីបទពិសោធន៍របស់ពេត្រុស ។
តើពេត្រុសដើរនៅលើទឹកដោយរបៀបណា ?
រចនារូបភាពដោយ ប៉ុល ម៉ាន
ហេតុអ្វីគាត់ចាប់ផ្តើមលិច ?
តើព្រះអម្ចាស់សង្រ្គោះគាត់ដោយរបៀបណា ?
នៅពេលយើងផ្តោតលើព្រះគ្រីស្ទ ទ្រង់នឹងគង់នៅទីនោះដើម្បីជួយយើងជានិច្ច ។