E Faapefea Ona Taitai Au e le Atua e Fai Lana Galuega?

Ata

O Saulo, tauaso, o nofo i luga o le eleele

I luga o le Auala i Tamaseko, Faaputuga o Le Ola / laiseneina mai le Goodsalt.com

A tatou faitau i le tala i le liua o Saulo, e musuia i tatou i lana tali atu i le Faaola: “Le Alii e, se a le mea e te finagalo i ai ou te faia?” (Galuega 9:6). I le avea ai ma soo o Iesu Keriso, e masani ona tatou faia se fesili faapena a o tatou saili e auai i le galuega a le Alii.

Ae o le a le mea e tupu pe a uma ona tatou fai atu le fesili? E faapefea ona tatou maua le taitaiga ia iloa ai le finagalo o le Atua mo a tatou galuega?

Naunau e Faatino

I le tali atu i le fesili a Saulo e uiga i le mea e tatau ona ia faia, sa vave ona tali atu le Alii i faatonuga mo ia e alu i Tamaseko. O nisi taimi tatou te faamoemoe o le a tuuina mai ai e le Alii ia i tatou lea lava ituaiga o taitaiga patino. Ae tatou te le tau faatalitali mo ni faatonuga mai lea laasaga i lea laasaga ae tatou te lei auai i le galuega a le Atua.

Na aoao mai Elder Dieter F. Uchtdorf o le Korama a Aposetolo e Toasefululua, “E masani lava, o le tali i a tatou tatalo e le oo mai a o tatou tootutuli ae pe a o tatou savavali, e auauna atu i le Alii ma auauna atu ia i latou o siomia i tatou” (“Faatalitali i le Auala i Tamasekoi,” Liahona, Me 2011, 76).

Mafaufau pe na faapefea ona taitai e le Alii nei tagata uma e toalua i avanoa e auauna atu ai ona sa latou naunau e galulue:

Saulo i le Galuega 9:20
Peteru i le Galuega 9:32–42