Su’iina o le Auaunaga

Ata

o lima o loo suiina se ofu

Na aoao mai Peresitene Henry B. Eyring, Fesoasoani Lua i le Au Peresitene Sili, i le konafesi aoao e faapea “o [fanau] uma a le Atua o loo faafofoga mai i lo’u leo ua mauaina se valaau mai le Alii o Iesu Keriso. …

“… O afafine ma atalii o le feagaiga a le Atua … e tasi lava se valaauga taua ma olioli ua i ai ia i latou uma. O le auauna atu lea i isi mo Ia.”¹ E moni lena valaauga mo e tausi feagaiga i soo se vaitausaga—pe valu pe 108.

Sa faaaluina e Louise Allred e ivasefulu-iva tausaga le matua le tele o lona olaga e auauna atu ai i isi, ma talu ai nei sa ia aoaoina ai se auala fou e auauna atu ai mai lana tama teine, o Mary Helen.

I le tolu tausaga talu ai, sa lei sailia e Mary Helen se mea patino ina ua ia saini e alu i le JustServe.org. I le matamata solo ai, sa ia vaaia ai se manaoga mo se vaega e le sue tupe o volenitia o e na liliuina ofu faaipoipo na foaiina atu i ofu maliu mo pepe fou o e e lei tuua lava le falemai.

Ata

tamaitai o loo suisui ofu

Ata pu’e mai faaaloaloga a le tusitala

Faatasi ai ma se talitonuga maumaututu i lona loto ua ia maua se mea sa ia manao e fai, sa faafesootai ai e Mary Helen ma lana Aualofa i le lotoifale le faatonu o le faalapotopotoga. Sa fuafuaina se gaoioiga mo tuafafine o le uarota, ma e 10–12 ofu faaipoipo na talaina i le galuega fesoasoani. Sa ave e Mary Helen fasi ofu i le fale ma fai ai ni ofu pepe.

A o faia e Mary Helen ofutalaloa taitasi, sa ia tatalo mo matua ma aiga taitasi o e o le a faaaogaina le ofutalaloa sa ia faia. Sa matua faamalieina ai o ia faaleagaga, ma faalatalata atili atu ai o ia i le Faaola e ala i le mulimuli i Lana apoapoaiga ia alofa le tasi i le isi (tagai Ioane 13:34–35; tagai foi 1 Ioane 4:11). Sa vave lava, ona iloa e Mary Helen o le a le lava se gaoioiga mo ia mo se taimi e tasi. Sa ia iloa o le JustServe.org o le a avea o se paaga mo le tele o galuega faatino mo ia.

Ata

o ni tamaitai se toalua o nonofo fesootai

Ata pu’e mai faaaloaloga a le tusitala

Sa amata foi ona fesoasoani le tina o Mary Helen, o Louise. Na te talaina ofu faaipoipo mai lea filo i lea filo. Ona taina lea o ofu uma, oti, faavasega, ma suiina e fatu ai ofu pepe, ona suilima lea o teuteu. O ofu pepe taitasi e alu ai pe a ma le lua itula e fatu ai.

O lenei tina faatasi ma le afafine, e suiina le silia ma le 100 ofu mo pepe ua maliliu i tausaga taitasi. O falemai uma lava i Alapama, ISA, e taliaina nei foai.

Fai mai Mary Helen e fiafia o ia ma lona tina i lenei taimi la te faaaluina faatasi ai e auauna atu i fanau laiti a le Tama Faalelagi ma o latou aiga ao lava le taimi. E pei ona aoao mai Peresitene Russell M Nelson:O lo tatouolioli silisili e oo mai pe a tatou fesoasoani atu i o tatou uso ma tuafafine, po o fea lava o tatou nonofo ai i lenei lalolagi matagofie. O le tuuina atu o le fesoasoani i isi—i le faia o se taumafaiga lotofuatiaifo e popole mo isi e pei, pesili atunai lo le tatou popole ia i tatou lava ia—o lo tatou olioli lea. Aemaise lava, ou te fia faaopoopo atu, pe a le talafeagai ma pe a aveesea ai i tatou mai i o tatou tulaga mafanafana. O leolaai i lena poloaiga sili lona lua o lekilea i le avea ai ma se soo moni o Iesu Keriso.”²

E faaopoopo atu i le olioli e aumaia e lenei auaunaga, e fiafia Louise i le luitau ma le lagona o le ausiaga ua ia oo i ai. Fai mai Mary Helen o lenei sootaga i le va o ia ma lona tina ua avea foi ma se aafiaga fefaasoaai sili ona faapelepele.

“E mafai e soo se tasi ona auauna atu,” o le tala lea a Mary Helen—tau lava o lou sailia po o le a le mea e aoga mo oe!