Ապրիլ
Հիսուս Քրիստոսն Իմ Փրկիչն ու Քավիչն է
Ձեր ընտրությամբ երգեք Երեխաների խմբի երգերից մեկը:
«Մենք հավատում ենք, որ Քրիստոսի Քավության շնորհիվ ողջ մարդկությունը կարող է փրկվել՝ հնազանդվելով Ավետարանի օրենքներին և արարողություններին» (Հավատո Հանգանակ 1.3):
Այստեղ տրված մտքերին ավելացրեք ձեր մտքերը: Պլանավորեք, թե ինչպես կարող եք երեխաներին ներկայացնել վարդապետությունը և օգնել նրանց հասկանալ և կիրառել այն իրենց կյանքում: Հարցրեք ինքներդ ձեզ. «Ի՞նչ պետք է անեն երեխաները, որպեսզի սովորեն, և ինչպե՞ս կարող եմ ես օգնել նրանց զգալ Հոգին»:
Շաբաթ 1. Հիսուս Քրիստոսը ընտրված էր լինելու մեր Փրկիչը:
Ներկայացրեք վարդապետությունը. Գրատախտակին գրեք «Հիսուս Քրիստոսը պետք է լիներ մեր Փրկիչը»: Թող ը, ն, տ, ր, վ, ա և ծ տառերը ցրված լինեն սենյակով մեկ: Թող երեխաները վերադասավորեն տառերը և վերականգնեն նախադասությունը: Խնդրեք նրանց կարդալ Մովսես 4.2 իրենց պատասխանը ստուգելու համար: Միասին կարդացեք գրատախտակին գրվածը:
Օգնեք հասկանալ. Պատրաստեք երեք բառաշերտեր՝ ամեն մեկի վրա գրված հետևյալ հարցերից մեկը «Ես ապրել եմ երկնքում» (CS, 4) երգի վերաբերյալ.
-
Մինչև մեր երկիր գալը ո՞վ երկնքում բոլորին ծրագիր ներկայացրեց:
-
Ո՞վ ասաց. «Հայր, ինձ ուղարկիր, և փառքը թող քոնը լինի»:
-
Հետևելով Հոր ծրագրին Հիսուսը ինչի՞ն հաղթեց:
Թող երեխաները երգեն երգի առաջին տունը և կանգնեն, երբ երգեն առաջին հարցի պատասխանը: Այնուհետև քննարկեք, թե ուրիշ ինչ նրանք սովորեցին այս քառատողից: Փորձեք կրկին երգել տունը ձեր քննարկումից հետո: Այնուհետև կրկնեք վարժությունը մյուս քառատողերով ու հարցերով:
Շաբաթ 2. Հիսուս Քրիստոսը ինձ համար կատարյալ օրինակ է:
Ներկայացրեք վարդապետությունը. Երգեք «Արա ինչպես ես»(CS, 276) երգը, և խնդրեք երեխաներին հետևել ձեզ՝ մինչ դուք որոշ պարզ գործողություններ եք անում, ինչպես օրինակ՝ ծափ տվեք, ձեր ձեռքերը բարձրացրեք ձեր գլխից վեր կամ տեղում քայլեք: Ասեք երեխաներին անվանել որոշ բաներ, որ նրանք սովորել են ինչ-որ մեկի օրինակին հետևելով (օրինակ՝ ինչպես հավաքել անկողինը կամ խաղ խաղալ): Գրատախտակին գրեք «Հիսուս Քրիստոսը ինձ համար կատարյալ օրինակ է»: Վկայեք, որ Քրիստոսը երկրի վրա ապրած միակ անձն էր, ով կատարյալ օրինակ եղավ մեզ համար, որին կարող ենք հետևել: Օգնեք երեխաներին միասին կարդալ նախադասությունը:
Օգնեք կիրառել. Ցույց տվեք Հիսուսի մի քանի նկար, որտեղ Նա սիրում ու ծառայում է ուրիշներին: Գրատախտակին գրեք «Հիսուսը սիրում էր բոլորին» և «Հիսուսը ծառայում էր ուրիշներին»: Այս արտահայտությունների տակ նկարեք սիրտ և ձեռք: Ասեք երեխաներին, որ մենք պետք է հետևենք Հիսուսի օրինակին՝ սիրելով ու ծառայելով ուրիշներին: Յուրաքանչյուր երեխայի տվեք թղթի մի կտոր և թող նրանք սիրտ նկարեն կամ ուրվագծեն իրենց ձեռքը: Այնուհետև հրավիրեք նրանց գրել կամ նկարել մի բան, որ իրենք կարող են անել և հետևել Հիսուսի օրինակին: Թող երեխաները կիսվեն իրենց մտքերով Երեխաների Խմբի հետ և դնեն իրենց թղթերը Հիսուսի նկարների կողքին: Երգել «Ես փորձում եմ լինել Հիսուսի նման» (CS, 78–79) երգը:
Շաբաթ 3. Քրիստոսի Քավությամբ ամբողջ մարդկությունը կարող է փրկվել:
Ներկայացրեք վարդապետությունը. Երեխաներին բաժանեք խմբերի և յուրաքանչյուր խմբի տվեք մի հատված երրորդ հավատո հանգանակից: Թող յուրաքանչյուր խումբ ճիշտ հերթականությամբ կանգնի ու կրկնի իր մասը: Այնուհետև թող ամբողջ Երեխաների Խումբը կանգնի ու կրկնի ամբողջ հավատո հանգանակը:
Օգնեք հասկանալ. Վկայեք,որ ճանապարհներից մեկը, որով Հիսուս Քրիստոսի Քավությունը փրկում է մեզ, դա այն է, որ այն մեզ փրկում է մեղքից: Երեխաներին ցույց տվեք մի բաժակ մաքուր ջուր և բացատրեք, որ այն ներկայացնում է մի անձի, ով ազատ է մեղքից: Ջրի մեջ կաթացրեք մի փոքր սննդի ներկ: Ցուցադրեք, թե ինչպես է սննդի ներկը տարածվում ջրի մեջ և այն այլևս մաքուր չէ: Բացատրեք, որ երբ մենք մեղք ենք գործում, մենք այս ջրի պես դառնում ենք անմաքուր: Այնուհետև ավելացրեք մի քանի կաթիլ գունաթափող հեղուկ ջուր կրկին մաքուր դարձնելու համար: Բացատրեք, որ երբ մենք ապաշխարում ենք, Քավությունը մաքրում է մեզ մեղքից և մենք ներվում ենք: Ցույց տվեք Քրիստոսի նկարը Գեթսեմանիում: Թող երեխաները կիսվեն նրանով, ինչ գիտեն նկարի մասին: Վկայեք մեր հանդեպ Հիսուս Քրիստոսի սիրո մասին և նրա պատրաստակամության մասին՝ վճարելու մեր մեղքերի գինը:
Օգնեք կիրառել. Օգտագործելով այս գրքույկում ներկայացված ուսուցման մեթոդներից մի քանիսը, սովորեցրեք երեխաներին ապաշխարության մասին, որը ընդգրկում է զղջելը, ներում խնդրելը, ուղղել սխալը և սխալը չկրկնելը (տես Երեխաների Միություն 3,46-49):
Շաբաթ 4. Հիսուս Քրիստոսը հարություն առավ, և ես նույնպես հարություն կառնեմ:
Օգնեք հասկանալ. Նկարներ օգտագործեք և հակիրճ պատմեք Հիսուսի մահվան պատմությունը (տես Մատթեոս ԻԷ.33-60; Մարկոս ԺԵ.22-46; Ղուկաս ԻԳ.33-53; Հովհաննես ԺԹ.17-42): Խնդրեք երեխաներին մտածել այն մասին, թե ինչպես էին իրենց զգում Հիսուսի ընտանիքն ու ընկերները, երբ Նա մահացավ: Նախօրոք խնդրեք մի քանի երեխաների (կամ մեծերի) պատրաստված գալ Երեխաների Խումբ` կիսվելու Հիսուս Քրիստոսի Հարության վկաներից մեկի պատմությամբ, ինչպես օրինակ՝ Մարիամ ՄագդաղենացինՀովհաննես Ի.11-18), Պետրոսը և Հովհաննեսը (տես Հովհաննես Ի.2-10), աշակերտները (տես Հովհաննես Ի.19-22, Ղուկաս ԻԴ.33-53), Թովմասը (տես Հովհաննես Ի.24-29), և Նեփիացիները (տես 3 Նեփի 11.8-17):Նրանց տվեք պիտակներ, որոնց վրա նշված կլինի, թե ում պատմությամբ են նրանք կիսվում:
Նեփի