Մայիս
Հիսուս Քրիստոսի Եկեղեցին վերականգնվել Է
Երգ. «Փառք տանք Մարդուն», տուն 1 և 3
(Hymns, no. 116)
«Ես տեսա երկու Անձնավորություն, ինձնից վեր՝ օդի մեջ կանգնած, որոնց պայծառությունն ու փառքն ամեն նկարագրությունից վեր էր: Նրանցից մեկը խոսեց ինձ հետ, դիմելով ինձ անունով, և ասաց՝ մատնացույց անելով մյուսին. Սա է Իմ Սիրելի Որդին: Լսի՛ր Նրան» (Ջոզեֆ Սմիթ-Պատմություն 1.17):
Այստեղ տրված մտքերին ավելացրեք ձեր մտքերը: Պլանավորեք, թե ինչպես կարող եք երեխաներին ներկայացնել վարդապետությունը և օգնել նրանց հասկանալ և կիրառել այն իրենց կյանքում: Հարցրեք ինքներդ ձեզ. «Ի՞նչ պետք է անեն երեխաները, որպեսզի սովորեն, և ինչպե՞ս կարող եմ ես օգնել նրանց զգալ Հոգին»:
Շաբաթ 1. Հիսուս Քրիստոսի Եկեղեցին վերականգնվել է:
Ներկայացրեք վարդապետությունը. Մինչև Երեխաների Խմբի դասի սկսվելը վեցերորդ հավատի հանգանակը գրեք գրատախտակին: Խնդրեք երեխաներին փակել իրենց աչքերը: Ասեք նրանց, որ Հիսուս Քրիստոսի մահից հետո մարդիկ մեղավոր դարձան և Նրա ավետարանը և քահանայությունը վերցվեցին երկրի վրայից: Բացատրեք, որ դա կոչվեց Ուխտադրժություն, և մարդիկ հոգևոր խավարի մեջ էին, կարծես փակել էին իրենց աչքերը հոգևորապես, մինչև Հիսուսը վերականգնեց Իր Եկեղեցին Ջոզեֆ Սմիթի միջոցով: Ցուցադրեք Առաջին Տեսիլքի նկարը և ասեք երեխաներին, որ բացեն իրենց աչքերը: Օգնեք երեխաներին անգիր սովորել հավատո վեցերորդ հանգանակը՝ միասին բարձրաձայն կարդալով: Ջնջեք որոշ բառեր և կրկնեք, մինչև բոլոր բառերը ջնջվեն և երեխաները սովորեն հավատո հանգանակը:
Օգնեք հասկանալ. Ներքևում ցուցադրված աղյուսակի պարտականություններից յուրաքանչյուրի համար բառաշերտեր պատրաստեք: Գրատախտակին գրեք յուրաքանչյուր բաժնի վերնագիրը՝ ինչպես ցուցադրված է, և մեջտեղում թողեք դատարկ սյունակ՝ պարտականությունները ներկայացնելու համար: Երեխաներին բաժանեք հինգ խմբի, և յուրաքանչյուր խմբին տվեք «Պարտականություններ» բառաշերտերից մեկը: Հրավիրեք յուրաքանչյուր խմբի դնել իր բառաշերտը գրատախտակի վրա ճիշտ տեղում: Նշեք, որ վերականգնված Եկեղեցին ունի նույն ղեկավարները, ինչ որ Եկեղեցին ուներ այն ժամանակ, երբ Հիսուս Քրիստոսը երկրի վրա էր:
ԿՈՉՈՒՄԸ ՀԻՆ ԵԿԵՂԵՑՈՒՄ |
ՊԱՐՏԱԿԱՆՈՒԹՅՈՒՆՆԵՐԸ |
ԿՈՉՈՒՄԸ ՎԵՐԱԿԱՆԳՆՎԱԾ ԵԿԵՂԵՑՈՒՄ |
---|---|---|
Առաքյալ |
Լինել Հիսուս Քրիստոսի հատուկ վկա |
Առաքյալ |
Մարգարե |
Հայտնել Երկնային Հոր կամքը |
Մարգարե |
Քահանա |
Առաջնորդել Սրբերի մի փոքր խումբ |
Եպիսկոպոս |
Ուսուցիչ |
Սովորեցնել ավետարանը |
Ուսուցիչ |
Ավետարանիչ |
Տալ հատուկ օրհնություններ |
Հայրապետ |
Շաբաթ 2. Ջոզեֆ Սմիթը վերականգնման մարգարեն է:
Օգնեք հասկանալ. Եկեղեցու Վերականգնման իրադարձությունների վերաբերյալ նկարներ հավաքեք: «Ջոզեֆ Սմիթը Վերականգնման մարգարեն է» նախադասությունը բաժանեք այնքան մասերի, որքան որ նկարներ ունեք, և բառաշերտեր պատրաստեք յուրաքանչյուր բառի կամ բառակապակցության համար (տես օրինակը): Երեխաներին բաժանեք խմբերի, և յուրաքանչյուր խմբի տվեք մեկական բառաշերտ, նկար և սուրբ գրության հատված, որ նկարագրում է, թե ինչ է տեղի ունենում նկարում: Խնդրեք երեխաներին, որ կարդան սուրբ գրությունները և քննարկեն, թե ինչ է տեղի ունենում նկարում: Այնուհետև թող յուրաքանչյուր խումբ կիսվի իր պատմությամբ Երեխաների խմբի հետ: Քննարկեք Ջոզեֆ Սմիթի դերը յուրաքանչյուր իրադարձության մեջ, և թող երեխաները մտածեն ,թե ինչպես է իրադարձությունը ազդել կամ կարող է ազդել իրենց կյանքի վրա: Յուրաքանչյուր նկար ու բառաշերտ հաջորդականությամբ տեղադրեք գրատախտակի վրա: Բոլոր բառաշերտերը գրատախտակին դնելուց հետո միասին կարդացեք նախադասությունը:
Շաբաթ 3. Մորմոնի Գիրքը ևս մեկ վկայություն է Հիսուս Քրիստոսի մասին:
Օգնեք հասկանալ. Միասին կարդացեք Մորմոնի Գրքի վերնագիրը կազմի վրա: Բարձրաձայն կարդացեք հետևյալ սուրբ գրությունները և թող երեխաները ձեռք բարձրացնեն, երբ նրանք լսեն Փրկչի ևս մեկ անուն. 2 Նեփի 19.6, Ալմա 5.38, 3 Նեփի 5.26: Երբ երեխաները ճանաչեն տիտղոսները, գրեք դրանք գրատախտակին: Ընտրեք մի քանի տիտղոսներ և բացատրեք, թե ինչպես է Փրկիչը դրանք իրագործում:
Օգնեք կիրառել. Յուրաքանչյուր երեխայի տվեք էջանշան, որի վրա գրված է «Մորմոնի Գիրքը. ևս մեկ վկայություն է Հիսուս Քրիստոսի մասին» նախադասությունը: Հրավիրեք նրանց ձևավորել էջանշանը և օգտագործել այն իրենց սուրբ գրություններում: Նկատի ունեցեք, որ մի քանի երեխա զեկուցեն սուրբ գրությունները կանոնավոր կերպով ուսումնասիրելու սովորություն ձևավորելու իրենց նպատակի մասին (տես Հունվար, շաբաթ 2): Դուք կարող եք հրավիրել նրանց կիսվել իրենց զգացմունքներով սուրբ գրություններից իրենց կարդացած հատվածների վերաբերյալ:
Էջանշաններ կարող եք գտնել sharingtime.lds.org կայքում
Մորմոնի Գիրքը ևս մեկ վկայություն է Հիսուս Քրիստոսի մասին:
Շաբաթ 4. Քահանայությունը վերականգնվել է:
Ներկայացրեք վարդապետությունը. Երեխաներին ցույց տվեք էլեկտրականությամբ աշխատող մի սարք: Այնուհետև ցույց տվեք, որ առանց համապատասխան էլեկտրականության այն չի կարող աշխատել: Թող երեխան ցուցադրի նկար, որտեղ Քրիստոսը կարգում է Իր Առաքյալներին: Բացատրեք, որ Քրիստոսի Եկեղեցին չի կարող գործել առանց քահանայության իշխանության: Թող երեխան թաքցնի նկարը իր ետևում: Բացատրեք, որ Քրիստոսի Առաքյալների մահից հետո քահանայության իշխանությունը կորցվել էր: Թող մեկ այլ երեխա ցուցադրի քահանայության վերականգնման նկար: Վկայեք, որ Աստված վերականգնել է քահանայությունը Ջոզեֆ Սմիթի միջոցով:
Օգնեք հասկանալ. Խնդրեք որևէ մեկին կարդալ ՎևՈՒ 107.1, և թող երեխաները լսեն երկու քահանայությունների անունները: Գրատախտակին դրեք Ասհարոնյան Քահանայության վերականգնման նկար և Մելքիսեդեկյան Քահանայության վերականգնման նկար: Գրեք Ահարոնյան կամ Մելքիսեդեկյան համապատասխան նկարի վերևում: Քնննարկեք, թե ով վերականգնեց կամ ետ բերեց այս քահանայություններից յուրաքանչյուրը Ջոզեֆ Սմիթին (տես Ջոզեֆ Սմիթ-Պատմություն 1.72): Երեխաներին ցույց տվեք քահանայության արարողությունների մի քանի նկարներ, ինչպիսիք են՝ մկրտությունը, հաստատումը, հաղորդությունը բաժանելը, հաղորդությունը օրհնելը և հիվանդին բուժելը: Հրավիրեք երեխաներին փոխանցել նկարները, «Քահանայությունը վերականգնվել է» երգելով (CS, 89): Երաժշտությունը հանկարծակի դադարեցրեք և նկարները բռնած երեխաներին խնդրեք կանգնել Ահարոնյան կամ Մելքիսեդեկյան բառերի մոտ՝ ցույց տալով այդ արարողությունը կատարելու համար պահանջվող իշխանությունը: Կրկնեք, եթե ժամանակը թույլ է տալիս:
Օգնեք կիրառել. Թող երեխաները մտածեն, թե ինչպես է քահանայությունը օրհնել իրենց: Հրավիրեք նրանց պատրաստել շնորհակալական բացիկ կամ նկար և տալ մեկին, ով քահանայություն ունի, ում նրանք ճանաչում են (ինչպես օրինակ՝ եպիսկոպոս, ուսուցիչ, հայր կամ միսիոներ):
Շաբաթ 4-ի վարժությունը ձեզ հնարավորություն կտա ստուգել երեխաների գիտելիքները: Կրկնությունը կարող է նրանց մտքում ամրապնդել գաղափարը: