Kabanata 33
Ang mga King-men Laban sa mga Freemen
Nang tumanggi si Pahoran, nagalit ang mga tao at ninais na alisin si Pahoran bilang punong hukom. Nais nilang magkaroon ng hari, hindi mga hukom.
Tinawag na mga king-men, umasa sila na ang isa sa kanila ay magiging hari at magkaroon ng kapangyarihan sa mga tao.
Ang mga Nephita na nagnais na manatili si Pahoran bilang punong hukom ay tinawag na mga freemen. Nais nilang maging malaya na makapamuhay at makasamba ayon sa nais nila.
Pumili ang mga tao sa pagitan ng mga king-men at mga freemen. Karamihan sa kanila ay bumoto sa mga freemen.
Sa panahon ding iyon, nagtitipon si Amalikeo ng isang malaking hukbo ng mga Lamanita upang lumusob sa mga Nephita.
Nang malaman ng mga king-men na darating ang mga Lamanita, natuwa sila at tumanggi na tumulong sa pagtatanggol sa kanilang bayan.
Nagalit si Kapitan Moroni sa mga king-men sa pagtanggi nila na makipaglaban. Pinaghirapan niyang mapanatiling malaya ang mga Nephita.
Humingi siya ng kapangyarihan sa gobernador na pilitin ang mga king-men na makipaglaban, o hatulan sila ng kamatayan.
Nang bigyan ng gobernador na si Pahoran ng ganitong kapangyarihan si Moroni, pinamunuan ni Moroni ang kanyang hukbo laban sa mga king-men.
Maraming king-men ang napatay; ang ilan ay ikinulong sa bilangguan. Ang natira ay pumayag na tumulong sa pagtatanggol sa kanilang bayan laban sa mga Lamanita.