Kabanata 48
Kapayapaan sa Amerika
Ang mga tao na nagsisi sa kanilang mga kasalanan ay nabinyagan at tumanggap ng Espiritu Santo.
Hindi nagtagal, nagbalik-loob ang lahat ng Nephita at Lamanita. Hindi sila nagtatalu-talo at ang lahat ay matapat.
Walang sinuman ang mayaman o mahirap. Nagbibigayan ang mga tao ng lahat ng bagay, at mayroon sila ng lahat ng kailangan nila.
Gumawa ng maraming himala ang mga disipulo sa pangalan ni Jesucristo. Pinagaling nila ang mga maysakit at muling binuhay ang mga patay.
Nagtayo ng mga bagong lungsod ang mga tao sa mga lugar kung saan nawasak ang iba.
Sinunod nila ang mga kautusan ng Diyos. Nag-ayuno sila at nanalangin at sama-samang nagpulong nang madalas upang marinig ang mga salita ng Diyos.
Maligayang-maligaya ang mga tao.
Walang mga tulisan, walang mga sinungaling, walang mga mamamatay-tao. Hindi na nahati ang mga tao sa mga Nephita at mga Lamanita ngunit naging isa, mga anak ni Cristo.
Biniyayaan ng Panginoon ang mga tao sa lahat ng ginagawa nila.
Nabuhay sila sa kapayapaan sa loob ng 200 taon. Naging napakayaman ng mga tao.