Toko 43: Nanangana an’i Lazarosy tamin’ny Maty i Jesoa

Sary

Jesus visits Lazarus and his sisters, Mary and Martha - ch.43-1

Nisy lehilahy iray nantsoina hoe Lazarosy nipetraka tany Betania niaraka tamin’ny anabaviny Maria sy Marta. Tian’i Jesoa tokoa i Lazarosy sy ireo anabaviny, ary izy ireo koa dia tia an’i Jesoa.

Jaona 11:1–2, 5

Sary

Lazarus becomes very sick while the Savior is in another town - ch.43-2

Narary mafy i Lazarosy. Tany amin’ny tanàna hafa i Jesoa. Nandefa hafatra ho an’i Jesoa i Maria sy Marta izay nilaza fa marary i Lazarosy.

Jaona 11:3

Sary

The Savior asks His disciples to go with Him to help Lazarus - ch.43-3

Nangataka an’ireo mpianany ny Mpamonjy mba hiaraka Aminy hanampy an’i Lazarosy. Natahotra ny handeha ho any Betania ireo mpianany. Akaikin’i Jerosalema izany. Nisy olona sasany tao Jerosalema izay te-hamono an’i Jesoa.

Jaona 11:6–8, 18

Sary

Jesus tells His disciples that Lazarus is dead, but He will bring him back to life - ch.43-4

Nilaza tamin’ireo mpianany i Jesoa fa maty i Lazarosy. Nilaza Izy fa hovelominy indray i Lazarosy. Izany fahagagana izany dia hanampy ireo mpianany hahafantatra fa Izy no Mpamonjy. Nandeha tany Betania i Jesoa. Rehefa tonga tany Izy, dia efa hefarana no nahafatesan’i Lazarosy.

Jaona 11:11–17, 19

Sary

Martha tells Jesus that Lazarus would not have died if He had been there - ch.43-5

Nilaza tamin’i Jesoa i Marta fa mbola tokony ho velona i Lazarosy raha tonga aloha kely i Jesoa. Nilaza i Jesoa fa ho velona indray i Lazarosy. Nanontany an’i Marta Izy raha toa ka mino Azy izy. Nanaiky i Marta. Fantany fa i Jesoa no Mpamonjy.

Jaona 11:20–27

Sary

Mary kneels at Jesus' feet crying - ch.43-6

Nandeha niantso an’i Maria rahavaviny i Marta. Dia nandeha nihaona tamin’i Jesoa koa i Maria. Maro ireo olona nanaraka azy. Nandohalika teo an-tongotry ny Mpamonjy i Maria, ary nitomany. Nitomany ihany koa ireo olona niaraka taminy. Nanontanian’i Jesoa izay nisy ny vatan’i Lazarosy.

Jaona 11:28–34

Sary

Jesus tells the people to move the stone in front of the place where Lazarus is buried - ch.43-7

Nandeha tany amin’ny fasana nandevenana an’i Lazarosy i Jesoa. Nisy vato narindrina teo anoloan’izany. Nasainy nesorin’ny vahoaka ilay vato.

Jaona 11:38–39

Sary

Jesus prays to Heavenly Father - ch.43-8

Nitraka i Jesoa. Nisaotra ny Ray any an-danitra Izy tamin’ny fihainoana ny vavaka nataony.

Jaona 11:41–42

Sary

Jesus commands Lazarus to come forth - ch.43-9

Ary dia tamin’ny feo mahery, no nilazan’i Jesoa an’i Lazarosy mba hivoaka. Nivoaka avy tao i Lazarosy. Maro tamin’ireo olona izay nahita izany fahagagana izany no nino fa i Jesoa no Mpamonjy.

Jaona 11:43–45