Toko 47
Ireo Virijiny Folo
Nanana fanala mirehitra amin’ny solika ireo vehivavy folo ireo. Ny dimy tamin’ireo vehivavy ireo dia hendry. Nanana solika tao anatin’ny fitondrany izy ireo.
Ny vehivavy dimy hafa kosa dia adala. Tsy nanana solika afa-tsy izay tao amin’ny fanilon’izy ireo ihany izy ireo.
Naharitra ela ny mpampakatra. Lany ny solika tao amin’ny fanala. Ireo vehivavy dimy hendry dia mbola nanana solika hatao ao anatin’ny fanilon’izy ireo. Ireo dimy adala kosa dia tsy maintsy nandeha nividy menaka fanampiny.
Rehefa lasa izy ireo, dia tonga ny mpampakatra. Navelany hiditra tao amin’ny fampakaram-bady ireo vehivavy dimy hendry.
Rehefa tafaverina ireo vehivavy dimy adala, dia efa nihidy ny varavarana. Tsy afaka niditra tany amin’ilay fampakaram-bady izy ireo.
I Jesoa dia toy ilay mpampakatra ao amin’ny tantara. Ny mpikamban’ny Fiangonana dia tahaka ireo vehivavy folo. Rehefa tonga indray i Jesoa, dia ho vonona ny sasany amin’ireo mpikambana. Efa nanaja ny didin’Andriamanitra izy ireo. Ny sasany dia mbola tsy ho vonona. Tsy ho afaka ny hiaraka amin’ny Mpamonjy izy ireo rehefa tonga indray Izy.
Matio 25:13; Fotopampianarana sy Fanekempihavanana 45:56–57; 88:86, 92; Jesus the Christ, 576–8