Քարտեզներ Եվ Տեղանունների Ցուցիչ
Հետևյալ քարտեզները ձեզ կարող են օգնել, որպեսզի ավելի լավ հասկանաք սուրբ գրքերը: Իմանալով սուրբ գրքերում նշվող հողերի աշխարհագրությունը՝ դուք կարող եք ավելի լավ հասկանալ սուրբ գրքերի իրադարձությունները:
Տեղանունների այբբենական ցուցիչը ձեզ կօգնի քարտեզի վրա որոշակի վայր գտնելիս: Յուրաքանչյուր տեղանվան դիմաց տրված է քարտեզի թիվը, որին հետևում է կոորդինատների հղումը, որը կազմված է տառաթվային կապակցությունից: Օրինակ՝ Ռաբբա (Ամման) տեղանվան դիմաց առաջին քարտեզում գրված է 1.Դ5. դա նշանակում է 1-ին քարտեզ, Դ5 վանդակ: Յուրաքանչյուր քարտեզի վրա դուք կարող եք գտնել որոշակի վանդակները՝ օգտվելով տվյալ քարտեզի վերևում և մի կողմում տրված կոորդինատներից: Անունների այլընտրանքային տարբերակները տրված են փակագծերի մեջ. օրինակ՝ Ռաբբա (Ամման): Անվանը հետևող հարցական նշանը, փակագծերում, ցույց է տալիս, որ քարտեզի վրա ցույց տրված տեղանքը հավանական կամ մոտավոր է, բայց ոչ հաստատ:
Հետևյալ բացատրությունները բանալի են՝ քարտեզներում օգտագործված պայմանական նշաններն ու գրաշարվածքը հասկանալու համար: Ի լրումն, յուրաքանչյուր քարտեզ կարող է պարունակել տվյալ քարտեզում օգտագործված լրացուցիչ պայմանական նշանների բացատրություններ:
- ●
-
Կարմիր կլոր կետը խորհրդանշում է մեծ կամ փոքր քաղաք: Կետի և քաղաքի կամ տեղանքի անվան միջև երբեմն գիծ կա, որը դրանք միացնում է միմյանց:
- ▲
-
Փոքր սև եռանկյունին լեռան խորհրդանշան է:
- Մեռյալ ծով
-
Այս շարվածքն օգտագործվել է աշխարհագրական տեղանուններ նշելու համար, ինչպիսիք են օվկիանոսները, ծովերը, լճերը, գետերը, լեռները, անապատները, հովիտները, տափաստանները և կղզիները:
- Երուսաղեմ
-
Այս շարվածքն օգտագործվել է մեծ և փոքր քաղաքներ նշելու համար (և Երուսաղեմ քաղաքի քարտեզի փոքր տեղանքների համար):
- Մովաբ
-
Այս շարվածքն օգտագործվել է համեմատաբար փոքր քաղաքական բաժանումներ նշելու համար, ինչպիսիք են շրջանները, ժողովուրդները, ցեղերը:
- Հրեաստան
-
Այս շարվածքն օգտագործվել է ավելի մեծ քաղաքական բաժանումներ նշելու համար, ինչպիսիք են ազգերը, երկրները և մայրցամաքները: