Jekjōn 111
Revelesōn letok kōn Josep Smith Rikanaan eo, ilo Selem, Massachusetts, O̧kwōj 6, 1836. Ilo iien in ritōl eo an Kabun̄ in rekar kanooj m̧uri jān wōt jerbal ko aer ilo jerbal in. Ke rej ron̄ ke juon oran jāān eļap emaron̄ pād n̄an er ilo Selem, Rikanaan eo, Sidney Rigdon, Hyrum Smith, im Oliver Cowdery rekar ilo̧k ijo n̄an Kirtland, Ohio, n̄an etale ennaan in, kobaļo̧k ippān kwaļo̧k naan kōn gospel eo. Ritōl rein rekar kadedeļo̧k elōn̄ jerbal an Kabun̄ in im kar kwaļo̧k naan jidik. Ke eaar alikkar ke m̧ani in enaaj kar tōprak, rekar bar ro̧o̧l n̄an Kirtland. Elōn̄ ian men ko reļļap ilo peļaakin ijo ilo tōre in rej pād lo naan ko ilo revelesōn in.
1–5, Irooj ej mejek wōt aikuj ko ilo kanniōk an ro Karejeran; 6–11, E enaaj tūriam̧o kake Zaion im karōki aolep men ko n̄an em̧m̧anļo̧k eo an ro Karejeran.
1 N̄a, Irooj ami Anij, Ij jab inepata ippān itok in ami ilo ito-itak in, nouwe ko ami.
2 Ippa ewōr eļap mennin aorōk im jikin kwelo̧k in n̄an kom̧, n̄an jeban eo an Zaion, im elōn̄ armej ilo jikin kwelo̧k in, ro Inaaj aintok er ilo iien eo ekkar n̄an jeban eo an Zaion, kōn wōt kom̧.
3 Kōn menin, emennin aikuj bwe kom̧in ejaake jem̧jerā ippān armej ro ilo jikin kwelo̧k in, āinwōt naaj tōl kom̧, im āinwōt naaj lewōj e n̄an kom̧.
4 Im enaaj kūrm̧ool ilo iien eo ekkar bwe Inaaj lewōj jikin kwelo̧k in ilo peimi, bwe en wōr ami kajoor ioon, jon̄an rej jamin jeļā kōn karōk ittino ko ami; im m̧weiie eo an ej ekkejel n̄an gold im silver enaaj ami.
5 Jab inepata kōn am̧uri ko ami, bwe Inaaj lewōj n̄an kom̧ kajoor n̄an kōļļāiki.
6 Jab inepata kōn Zaion, bwe Inaaj tūriam̧o kake e.
7 Pād wōt ilo jikin in, im ilo jikin ko ipeļaakin;
8 Im ilo jikin eo ijo ej Ankilaō bwe kom̧in pād wōt ie, n̄an enan̄in aolepān, naaj kakōļļeiki n̄an kom̧ jān aaenōm̧m̧an im kajoor in Jetōb eo Aō, eo enaaj iwōj ilo kom̧.
9 Jikin in kom̧ maron̄ bōk e jān kōļļā wōņāān. Im kajjitōk ilo laļn̄ijn̄ij ippān ro etto aer pād im rej ro rekar lo jikin kwelo̧k in;
10 Bwe elōn̄ļo̧k mennin aorōk ko jān juon n̄an kom̧ ilo jikin kwelo̧k in.
11 Kōn menin, kom̧in amālōtlōt āinwōt jedpānit ko ijoke kōn ejjeļo̧k jero̧wiwi; im Inaaj karōk aolep men otemjeļo̧k n̄an bem̧m̧an eo ami, jon̄an wōt an m̧ōkaj ami maron̄ bōki. Amen.