Jekjōn 117
Revelesōn letok kōn Josep Smith Rikanaan eo, ilo Far West, Missouri, Juļae 8, 1838, kōn jerbal ko m̧oktata an William Marks, Newel K. Whitney, im Oliver Granger.
1–9, Ro karejeran Irooj rej jab aikuj ankoņaki men ko an kanniōk, bwe “ta in m̧weiuk n̄an Irooj?”; 10–16, Ren eļļo̧k jān jab kaorōk jetōb, im katok ko aer renaaj ekwōjarjar n̄an Irooj.
1 Em̧ool āindein Irooj ej ba n̄an karejera William Marks, im barāinwōt n̄an karejera Newel K. Whitney, ren kadedeļo̧k jerbal ko aer m̧ōkaj im ito-itak jān āneen Kirtland, m̧okta jān N̄a, Irooj ij bar jilkinļo̧k sno ko ioon laļ.
2 Erro en ruj, im jerkak, im waļo̧ktok, im jab pād, bwe N̄a, Irooj, Ij ba.
3 Kōn menin, eļan̄n̄e rej pād enaaj jamin em̧m̧an n̄an er.
4 Erro en ukeļo̧k jān aolep jero̧wiwi ko aerro, im jān aolep ikdeelel in ankoņak ko aerro, Im̧aō, Irooj ej ba; bwe ta in am̧weiuk n̄an Eō? Irooj ej ba.
5 M̧weiuk ko ilo Kirtland ren ukōti n̄an kōļļāik am̧uri ko, Irooj ej ba. Ren kōtļo̧ki, Irooj ej ba, im jabdewōt ej pād wōt, en pād wōt ilo peimi, Irooj ej ba.
6 Bwe ej jab wōr Ippa bao ko in mejatoto, im barāinwōt ek ko in lo̧jet, im mennin mour awiia ko in toļ ko ke? Iaar jab kōm̧m̧ane laļ ke? Ij jab kabwijer ajibadbad ko an aolep jarin tariņae ko an laļ ko in laļ ke?
7 Kōn menin, I ban kōm̧m̧an ke bwe ajikin ko relo̧urō n̄an juļ im n̄an ebbōl, im n̄an le ilo kanooj kouwa? Irooj ej ba.
8 Ejjeļo̧k jikin ebwe ioon toļ ko in aAdam-ondai-Aman, im ioon meļaaj ko in Olaha bShinehah, ak cāneo ijo Adam eaar jokwe, bwe kom̧in ankoņake men eo me ej pilin̄ wōt, im kajekdo̧o̧n men ko reddoļo̧k ke?
9 Kōn menin, wanlōn̄tak n̄an āneo āneen armej ro Aō, em̧ool Zaion.
10 Kōtļo̧k rikarejera William Marks bwe en atiljek ioon jet men ko, im enaaj irooj ioon elōn̄. E en tōl ilubwiljin armej ro Aō ilo jikin kwelo̧k in Far West, im e en jeraam̧m̧an kōn kōjeraam̧m̧an ko an armej ro Aō.
11 Rikarejera Newel K. Whitney en jook kōn ro doon aNikolas im kōn aolep mennin bjōjō ko aer rettino, im kōn aolep an jab kaorōk jetōb Im̧aō, Irooj ej ba, im wanlōn̄ļo̧k n̄an āneen Adam-ondai-Aman, im en juon cbisop n̄an armej ro Aō, Irooj ej ba, jab ilo āt ak ilo kōm̧m̧an, Irooj ej ba.
12 Im bar juon alen, Ij ba n̄an kom̧, Ij keememej karejera aOliver Granger; lo, em̧ool Ij ba n̄an e bwe etan enaaj pād ilo ememej ekwōjarjar jān epepen n̄an epepen, indeeo im indeeo, Irooj ej ba.
13 Kōn menin, e en niknik kate kōn lo̧mo̧o̧ren eo an Presidency eo Kein Kajuon an Kabun̄ eo Aō, Irooj ej ba; im n̄e ej wōtlo̧k enaaj bar jerkak, bwe akatok eo an naaj ekwōjarjarļo̧k n̄an Eō jān ļapļo̧k eo an, Irooj ej ba.
14 Kōn menin, e en wanlōn̄tak ijin m̧ōkaj, n̄an āneen Zaion; im ilo iien eo ekkar naaj kōm̧m̧an bwe en juon riwiakake n̄an Eta, Irooj ej ba, n̄an em̧m̧anļo̧k an armej ro Aō.
15 Kōn menin en ejjeļo̧k armej ej dike rikarejera Oliver Granger, a kōjeraam̧m̧an ko an armej ro Aō ren pād ioon indeeo im indeeo.
16 Im bar juon alen, em̧ool Ij ba n̄an kom̧, aolep ro rikarejera ilo āneen Kirtland ren keememej Irooj aer Anij, im m̧weo Im̧ō barāinwōt, n̄an kōjparok im oņaake bwe en ekwōjarjar, im n̄an kadiwōjļo̧k ro rej wia kōn m̧ani ilo iien eo ekkar, Irooj ej ba. Em̧ool āindein. Amen.