Jekjōn 134
Juon kean̄ in tōmak kōn kien im kakien ko ilo tudepakpakier, kar kōweeppāne kōn juon wōt vote ilo juon kwelo̧k eļap an Kabun̄ in kar kōm̧m̧an ilo Kirtland, Ohio, O̧kwōj 17, 1835. Elōn̄ Ro Rekwōjarjar kar kobatok ippān doon n̄an ļōmņake elmo̧kot eo kōn men ko kobban lelkan eo m̧oktata an Katak im Bujen Ko. Ilo iien eo, kean̄ in kar likūti naan kein ilo preamble eo an: “Bwe tōmak ko am ikijjien kien ko an laļ in im kakien ko ilo tudepakpakier ren jab bōd ukōti ak pok kaki, kōm ar ļōmņak ekkar n̄an jakem̧aantak, ilo jem̧ļo̧kin bok in, ļōmņak eo am kōn ejja men in wōt.”
1–4, Kien ko reaikuj dāpij anemkwōj in bōklōkōt im kabun̄-jar; 5–8, Aolep armej reaikuj rie kien ko aer im reaikuj leļo̧k kautiej im jeļāņae kakien; 9–10, Doulul in kabun̄ ko rej jab aikuj kōm̧akūtkūt kajoor ko an kien eo; 11–12, Armej rejim̧we ilo jojomar n̄an er make im men ko m̧weiier.
1 Kōmij tōmak bwe akien ko rekar jebar jān Anij n̄an em̧m̧an eo an armej; im bwe E ej dāpij beddo eo ioer kōn jerbal ko aer āinwōt an jelōt er, jim̧or ilo eji kakien ko im kōm̧akūtkūti, kōn em̧m̧an eo im jokane eo an jukjukin pād.
2 Kōmij tōmak bwe ejjeļo̧k kien emaron̄ jutak ilo aenōm̧m̧an, ijello̧kun n̄e kakien jab kein rej ejaak im jab kōtļo̧k rupi āinwōt aer kapen n̄an kajjojo armej aer aanemkwōj in bkoļmānļo̧kijeņ, im jim̧we im peek m̧weiier, im coņaake eo an mour.
3 Kōmij tōmak bwe aolep kien emennin aikuj bwe en wōr an aopija in kien ro im riekajet ro n̄an ren ļoori kakien ko an ejja in wōt; im bwe rein renaaj kōm̧akūtkūt kakien eo ilo jejjet im jim̧we reaikuj pukote im rie jān ainikien armej ro eļan̄n̄e juon laļ, ak kōņaan eo an eo jeban laļ eo.
4 Kōmij tōmak bwe kabun̄ ej kajutak in Anij; im bwe armej rej aikuj uwaak n̄an E, im n̄an E wōt, kōn kōjerbal eo an, ijello̧kun wōt n̄e ļōmņak ko aer an kabun̄ rej kōm̧akūt er n̄an kōwaani jim̧we ko im anemkwōj ko an ro jet; a kōmij jab tōmak bwe kakien an armej ewōr an jim̧we n̄an bōk kuņaan ilo kōllaajraki rule ko in akabun̄-jar n̄an lukwōj bōklōkōt an armej raņ, im jab kwaļo̧k ļamļam ko n̄an kabun̄ ilo ijoko realikkar ak rettino; bwe riekajet ro an kien reaikuj bōbrae an waļo̧k rupe kakien, a jab n̄an jidik kajeikik bōklōkōt; ren kaje bōd, a jab keņe anemkwōj eo an jetōb.
5 Kōmij tōmak bwe aolep armej rej lokjak n̄an rejetake im rie kien ko im rej jokwe ie, ilo iien eo rej bōk oņaake ilo jim̧we ko aer jim̧we ko aer makmake im jim̧we ko ban būki jān er jān kakien ko an kien kein; im bwe poktak im ajum̧ae kien rej jab ekkar n̄an kajjojo armej ro rej bōk oņaake in, im aikuj kaje ilo wāween ekkar; im bwe aolep kien ko ewōr juon aer jim̧we n̄an eje kakien ko āinwōt ilo ekajet ko aer make rej n̄an em̧m̧an eo watōke n̄an dāpij em̧m̧an eo an armej; im ilo ejja iien in wōt, ijoke, dāpij wōt ilo ekwōjarjar anemkwōj eo an bōklōkōt.
6 Kōmij tōmak bwe aolep armej eaikuj kautiej e ilo opij eo an, ripepe ro im riekajet ro ilo jekjek in, kōnke kar likūt er n̄an oņaake eo an ro ejjeļo̧k ruweer im kaje eo an ro rebōd; im bwe n̄an akakien ko aolep armej reaikuj kautieje im jeļāņae, āinwōt ke ijello̧kier pok im rōkaammijak renaaj bōk jikin aenōm̧m̧an im lur; kien ko an armej rekar jutak n̄an lukkuun jibadbad eo n̄an kajejjet wāween ad kōm̧akūtkūt kōttōpar ko ad āinwōt kajjojo armej ro im laļ ko, ikōtaan armej im armej; im kakien ko jān lan̄ kar litok jān lan̄, rej kajutak rule ko an men ko an jetōb, kōn tōmak im kabun̄-jar, jim̧or n̄an uwaak jān armej n̄an Rikōm̧anm̧an eo an.
7 Kōmij tōmak bwe ripepe ro, laļ ko, im kien ko ewōr aer jim̧we, im rej lokjak n̄an āeiki kakien ko n̄an oņaake eo an aolep armej ro aer ilo anemkwōj in kōm̧akūtkūt tōmak eo aer ikijjien kabun̄; a kōmij jab tōmak bwe er ewōr aer jim̧we ilo ekajet n̄an bōbrae jān armej ro aer jim̧we in, ak bōbrae er ilo ļōmņak ko aer, toun wōt an kautiej im jeļāņae waļo̧k jān armej rein n̄an kakien ko im ļōmņak ko ikijjien kabun̄ rej jab rie jum̧ae laļ eo im jab pepe ņae.
8 Kōmij tōmak bwe jerbal n̄an rupe kakien eaikuj akaje ekkar n̄an ļamļam in bōd eo; bwe uror, ketak kien, kowadon̄, ko̧o̧t, im rupe aenōm̧m̧an eo an elōn̄, ilo aolep jekjekin, eaikuj in wōr kaje ekkar n̄an jon̄an nana eo aer im ekkutkut in aer nana ilubwiljin armej raņ, jān kakien ko an kien ko me nana eo kar kōm̧m̧an ie; im kōn aenōm̧m̧an im lur eo an jukjukin pād eo aolep armej reaikuj jutaktok im kōjerbale maron̄ eo aer ilo bōktok riruprup kakien ro ņae kakien ko rem̧m̧an n̄an kaje.
9 Kōmij jab tōmak ejim̧we n̄an kārreiki maron̄ ko an kabun̄ ippān kien eo an aelōn̄ eo, eo kake doulul in kabun̄ ko ej eddek im bar juon kōmo̧ e ilo mennin jeban ko an jetōb, im jim̧we ko an kajjojo ian ro uwaan, āinwōt riaelōn̄ ro, rej kajejtokjāer.
10 Kōmij tōmak bwe aolep doulul ko an kabun̄ ewōr aer jim̧we n̄an jerbal ippān ro uwaer kōn kōm̧m̧an ko rejekkar, ekkar n̄an rule ko im karōk ko an doulul kein; eļan̄n̄e jerbal kein rej n̄an jemdoon im em̧m̧an in etaer; a kōmij jab tōmak bwe jabdewōt doulul in kabun̄ ewōr an maron̄ n̄an ekajete armej raņ kōn jim̧we eo n̄an m̧weiuk ak mour, n̄an bōke jān er m̧weiuk ko an mour in, ak n̄an likūt er ilo kauwōtata in mour ak ānbwin, ak n̄an bōktok jabdewōt kaje ilo kanniōk ioer. Remaron̄ wōt abukweļo̧k er jān doulul eo aer, im kōjenik jān er jemdoon eo aer.
11 Kōmij tōmak bwe armej reaikuj lelōn̄tak n̄an kien eo an aelōn̄ eo kōn kappukot mejļan aolep bōd ko im inepata ko, eļan̄n̄e ko̧kkure armej make ej kōm̧m̧an ak jim̧we eo n̄an m̧weiuk ak m̧wil em̧ōj jelōte, eļan̄n̄e ewōr kakien kein n̄an naaj oņaake ejja men kein wōt; a kōmij tōmak bwe aolep armej rejim̧we ilo jojomar n̄an er make, ro jeraer, im men kom̧ m̧weiier, im kien eo, jān juunm̧aade ko im ruprup ko in aolep armej ilo iien idin̄ ko, ijo im lelōn̄tak abņōņō ilo iien eo em̧ōkaj eban maron̄ kōm̧m̧an n̄an kakien ko, im mejļan jamin maron̄ ņa wāween.
12 Kōmij tōmak bwe ejim̧we n̄an akwaļo̧k naan kōn gospel eo n̄an laļ ko in laļ in, im kakkōl ro rejim̧we n̄an lo̧mo̧o̧ren er make jān ankeke an laļ in; a kōmij jab tōmak bwe ejim̧we n̄an kwaļo̧k ainikiōm kōn rikōm̧akoko ro ejjeļo̧k wōņāer, im jab n̄an kwaļo̧k naan kōn gospel eo n̄an er, im jab n̄an peptaiji er āinjuon jān ankilaan im kōņaan eo an karo ro aer, im jab n̄an bōk kuņaam̧ ippān ak karreel er ilo jabdewōt wāween dikdik n̄an kōm̧m̧an bwe ren jab m̧ōņōņō kōn jekjek ko rej pād ie ilo mour in, im ilo jekjek in likūt ilo kauwōtata mour ko an armej; bōk kuņaam̧ rot kein kōmij tōmak bwe rej jab jejjet n̄an kakien im rebōd, im rekauwōtata n̄an aenōm̧m̧an eo an kien otemjej ko im rej kōtļo̧k armej bwe ren lokjak ilo kōm̧akoko.