Jekjōn 73
Revelesōn leļo̧k n̄an Josep Smith Rikanaan eo im Sidney Rigdon, ilo Hiram, Ohio, Jānwōde 10, 1832. Jān wōt kar jinoin m̧ōttan ko im̧aan Tijem̧ba eo emootļo̧k, Rikanaan eo im Sidney rekar poub ilo kwaļo̧k naan, im jān men in meļeļein eļap kar tōprak ilo kadikļo̧k ļōmņak ko rejjab em̧m̧an im rekar jebartok ņae Kabun̄ in (lale kōmmeļeļe ko an jekjōn 71).
1–2, Elder ro ren wōnm̧aanļo̧k wōt n̄an kwaļo̧k naan; 3–6, Josep Smith im Sidney Rigdon ren wōnm̧aanļo̧k wōt n̄an ukōte Baibōļ eo m̧ae an dedeļo̧k.
1 Bwe em̧ool, āindein Irooj ej ba, emennin aikuj ilo N̄a bwe aren wōnm̧aanļo̧k wōt ilo kwaļo̧k gospel eo, im ilo kōketak jarlepju in rijar ko ilo jikin ko ipeļaakin ijin, m̧ae kwelo̧k;
2 Innām, lo, naaj kaalikkar e n̄an er, jān aainikien kwelo̧k eo, jet ian mijen ko aer.
3 Kiiō, em̧ool Ij ba n̄an kom̧ro rikarejera, Josep Smith, Jun., im Sidney Rigdon, Irooj ej ba, aemennin aikuj n̄an bar bukok;
4 Im, toun wōt an ekkar, n̄an kwaļo̧k naan ilo jikin ko ipeļaakin ijin m̧ae kwelo̧k; im ālikin men en emennin aikuj n̄an wōnm̧aanļo̧k ilo jerbal in ukok m̧ae an dedeļo̧k.
5 Im men in ej juon jon̄ok n̄an elder ro m̧ae eļapļo̧k jeļāļo̧kjeņ, em̧ool āinwōt e kar jeje.
6 Kiiō Ij lewōj ejjeļo̧k eļapļo̧k jān in n̄an kom̧ ilo iien in. aMejmije laļūm̧ im en alikkar am koļmānļo̧kijeņ. Em̧ool āindein. Amen.