1 Lo, āindein Irooj ej ba n̄an karejera Jon Murdock—em̧ōj kūr eok n̄an ilo̧k ilo laļ ko iturear jān em̧ n̄an em̧, jān jikin edik n̄an jikin edik, im jān jikin kwelo̧k n̄an jikin kwelo̧k, n̄an kabun̄bun̄ļo̧k gospel eo Aō ejjeļo̧k jem̧ļo̧k n̄an ro ijeņ, ilo ilubwiljin ^amatōrtōr im nana.

2 Im eo ej ^abōk eok ej bōk eō; im kwe enaaj wōr am kajoor n̄an kwaļo̧k naan eo Aō ilo ^bkōm̧akūtkūt ko an Aō Jetōb Kwōjarjar.

3 Im ro rej bōk eok ^aāinwōt ajri eo edik, ej bōk ^baelōn̄ eo Aō; im er ren m̧ōņōņō, bwe er renaaj bōk ^ctūriam̧o.

4 Im jabdewōt eo ej jab bōk eok Jema enaaj ^ajab bōk e ilo m̧weo Im̧ōn; im kwo naaj pikpikūrļo̧k ne ko ^bneem ilo jikin ko rettino ilo iaļ eo kōn juon naan in kam̧ool ņae er.

5 Im lo, im lo, Ij ^aitok m̧ōkaj n̄an ^bekajet, n̄an karreel būruōn aolep kōn jerbal nana ko aer me rekar kōm̧m̧ani ņae Eō, āinwōt ekar jeje jān Eō ilowaan bok eo.

6 Im kiiō, em̧ool Ij ba n̄an eok, bwe ej jab mennin aikuj bwe kwōn etal m̧ae ajri ro nejim ej wōr ej kakke aer aikuj, im kar ilo jouj jilkinlōn̄ļo̧k er n̄an bisop eo an Zaion.

7 Im ālikin jet iiō ko, eļan̄n̄e kwōj kōņaan jān Eō, kwo maron̄ wanlōn̄ļo̧k n̄an āne em̧m̧anmōn in, n̄an bōk jolōt eo am;

8 Eļan̄n̄e jaab kwo naaj wōnm̧aanļo̧k wōt im kabun̄bun̄ļo̧k gospel eo Aō ^am̧ae iien bōke eok. Amen.