Jekjōn 44
Revelesōn leļo̧k n̄an Josep Smith Rikanaan eo im Sidney Rigdon, ilo Kirtland, Ohio, ilo jem̧ļo̧kin ļo̧k Pāpode 1831. Ilo errā ippān ta eaikuj bōk jikin im kōllaajrake ijin, Kabun̄ eo eaar jitōn̄ juon kwelo̧k bwe en kōm̧m̧an ilo tum̧aan in Juun eo ej itok.
1–3, Elder ro rej itōn kuktok ilo kwelo̧k; 4–6, Rej itōn karōke er ekkar n̄an kien ko an āneo im n̄an oņaake ro rejeram̧ōl.
1 Lo, āindein Irooj ej ba n̄an kom̧ ro rikarejera, emennin aikuj ilo N̄a bwe elder ro an kabun̄ eo Aō ren kūrtok er bwe ren kuktok ippān doon, jān rear im jān rilik, im jān iōn̄ im jān rak, kōn lōta ak bar jet iaļ.
2 Im enaaj waļo̧k, bwe toun wōt aer tiljek, im kwaļo̧k tōmak ilo N̄a, I naaj lutōkleplep ioer aJetōb eo Aō ilo raan eo rej kobatok ippān doon.
3 Im enaaj waļo̧k bwe renaaj ilo̧k ilo jikin ko ipeļaakin ijin, im akwaļo̧k naan kōn ukeļo̧k n̄an armej ro.
4 Im elōn̄ renaaj aoktak, jon̄an kom̧ naaj bōk kajoor n̄an karōke kom̧ make bekkar n̄an kien ko an armej;
5 Im arikōjdat ro ami emaron̄ jab wōr aer kajoor ioomi; bwe kom̧in maron̄ bōk oņaake ilo aolep men otemjeļo̧k; bwe emaron̄ kōmaron̄ kom̧ n̄an kōjparok kien ko Aō; bwe lokjak otemjej en maron̄ rōļo̧k ko im rikōjdat rej kappukot n̄an ko̧kkure armej ro Aō.
6 Lo, Ij ba n̄an kom̧, bwe kom̧ij aikuj aloļo̧k ro rijeram̧ōl im riaikuj im jerbale jipan̄ n̄an er, bwe ren maron̄ bōk oņaake m̧ae men otemjeļo̧k rej maron̄ kōm̧m̧an ekkar n̄an kien eo Aō me kom̧ ar bōk e. Amen.