Jekjōn 91
Revelesōn letok kōn Josep Smith Rikanaan eo, ilo Kirtland, Ohio, M̧aaj 9, 1833. Rikanaan eo ilo iien in ekar poub ilo ukok eo an Kallim̧ur Em̧or. Ke ekar itok n̄an m̧ōttan eo ilo jeje ko etto im etan Apocrypha, eaar kajjitōk ippān Irooj im bōke naan in tōl in.
1–3, Apocrypha eo enan̄in aolepān ejim̧we kar ukōte ak ewōr ie elōn̄ kakkobaba ko jān pā ko pein armej im rej jab m̧ool; 4–6, Ej em̧m̧an n̄an ro kōmeramļo̧k er jān Jetōb.
1 Em̧ool, āindein Irooj ej ba n̄an kom̧ kōn aApocrypha eo—Ewōr men ko rellōn̄ ie rem̧ool, im e enan̄in aolepān ekar jim̧we ukōte;
2 Ewōr men ko rellōn̄ ie rej jab m̧ool, ko rej kakkobaba ko jān pā ko pein armej.
3 Em̧ool, Ij ba n̄an kom̧, bwe ej jab mennin aikuj bwe Apocrypha en ukok.
4 Kōn menin, eo ej kōnono jān e, e en ameļeļe, bwe Jetōb ej kwaļo̧k m̧ool eo;
5 Im jabdewōt ej kōmeramļo̧k jān aJetōb enaaj bōk em̧m̧an jān e;
6 Im jabdewōt eo ej jab bōk jān Jetōb, ej jab maron̄ bōk em̧m̧an. Kōn menin ej jab mennin aikuj bwe en ukok. Amen.