Jekjōn 36
Revelesōn letok kōn Josep Smith Rikanaan eo n̄an Edward Partridge, epaake Fayette, New York, Tijem̧ba 9, 1830 (lale kōmmeļeļe ko an jekjōn 35). Bwebwenato an Josep Smith ej kwaļo̧k bwe Edward Partridge “kar leļo̧k n̄an e juon jon̄ok in kwōjarjar, im juon ian em̧m̧aan ro reļļap an Irooj.”
1–3, Irooj ej likūt Pein ioon Edward Partridge jān pein Sidney Rigdon; 4–8, Aolep em̧m̧aan ro rej bōk gospel eo im priesthood eo rej bōk kūr eo n̄an ilo̧k n̄an kwaļo̧k naan.
1 Āindein Irooj Anij ej ba, E eo aEkajoor an Israel: Lo, Ij ba n̄an eok, rikarejera bEdward, bwe kwo jeraam̧m̧an, im jero̧wiwi ko am em̧ōj jeoriļo̧k jān eok, im em̧ōj kūr eok n̄an kwaļo̧k naan kōn gospel eo Aō āinwōt kōn ainikien juon jilel;
2 Im Inaaj likūt aPeiū ioom̧ kōn pā ko pein rikarejera Sidney Rigdon, im kwo naaj bōke Jetōb eo Aō, Jetōb Kwōjarjar, em̧ool bRikaenōm̧m̧an eo, eo enaaj katakin eok men ko creineem̧m̧an ko an aelōn̄ eo;
3 Im kwo naaj kabun̄bun̄ļo̧k e kōn juon ainikien eļļaaj, im ba: Hosana, en jeraam̧m̧an etan Anij eutiejtata.
4 Im kiiō kūr in im kien in Ij lewōj n̄an eok kōn em̧m̧aan otemjej—
5 Bwe jon̄an wōt eo enaaj itok im̧aan ro rikarejera Sidney Rigdon im Josep Smith, Jun., jiburlepe kūr in im kien in, naaj akapit im jilkinļo̧k n̄an bkwaļo̧k naan kōn gospel eo ejjeļo̧k jem̧ļo̧kin ilubwiljin laļ ko—
6 Kūr ukeļo̧k, im ba: aLo̧mo̧o̧ren kom̧ make jān epepen in eankeke, im wōnm̧aantak jān kijeek eo, im dike em̧ool bnuknuk ko rej libbijinjin kōn kanniōk.
7 Im kien in naaj leļo̧k e n̄an elder ro ilo kabun̄ eo Aō, bwe kajjojo em̧m̧aan eo enaaj jiburlep e kōn juon wōt kōttōpar in bōro maron̄ kapit e im jilkinļo̧k e, em̧ool āinwōt Iaar ba.
8 N̄aij Jisōs Kraist, eo Nejin Anij; kōn menin, kan̄ōrn̄ōre ipūm̧ im Inaaj m̧ōkaj im itok n̄an atampeļ eo Aō. Em̧ool āindein. Amen.