Mwakoro 12
Kaotioti ae kaotaki rinanon Iotebwa Timiti te Burabeti nakon Joseph Knight te Ikawai, i Harmony, Pennsylvania, n Meei 1829. E kakoaua Joseph Knight ana taeka Iotebwa Timiti ibukin kawakinan bwaatuan Ana Boki Moomon ao te mwakuri n rairairi are tabe ni waaki n te tai arei ao e mwaiti te tai ae e anga ana bwai ni ibuobuoki nakon Iotebwa Timiti ao ana tia koroboki, are e buokiia iai n reitanako te rairairi. N ana bubuti Joseph Knight, te Burabeti e bubutia te Uea ao e karekea te kaotioti.
1–6, Taan mwakuri n te nne ni kurebe a na karekea te kamaiuaki; 7–9, Ni kabane ake a tangiria ao a konabwai a kona n ibuobuoki n ana mwakuri te Uea.
1 E a kan roko ate mwakuri ae korakora ma ni kamimi nakoia natiia aomata.
2 Nooria, Ngai te Atua; ongo n au taeka, ae e maiu ma ni mwaaka, ao e kakang riki nakon te kai ni kabaang aika uaitera wiina, nakon bwenauaakin taian toma ma kanoan rii; mangaia are, ongo nakon au taeka.
3 Nooria, e a mainaina n tawa ngkai te nne n aroka nakon te taiaki; mangaia are, ane e korakora nanona ni kan taia, e na karina ana biti ni koro wiita ma korakorana, ao man taia ni karokoa te kabanea ni bong, bwa e aonga ni kaikoa te kamaiuaki ae e aki tootoki nakon tamneina n uean te Atua.
4 Eng, ane e karina ana biti ni koro wiita ao n taia, e bon weteaki iroun te Atua.
5 Mangaia are, ngkana ko bubutiai ao ko na bon karekea; ngkana ko karebwerebwe e na kaukaki nakoim.
6 Ngkai, ko a tia ni bubuti, nooria, I taku nakoim, kawakinii au tua, ao ukoukora waakinan ao katean ana waaki Tion.
7 Nooria, I taetae nakoim, ao nakoia naba naake a tangira wakinan ao katean te mwakuri aei;
8 Ao akea ae kona n ibuobuoki n te mwakuri aei tii ngkana e ananorinano ao n onrake n te btangira, n iai te conimaki, te dkantaninga, ao te etangira ae kororaoi, n taubaang ni bwaai ni kabane, ni bwaai nako are e onimakinaki iai n ana tararua.
9 Nooria, Ngai ootan ao maiun te aonaba, are e taekinii taeka aikai, mangaia are ongo ma korakoram, ao ngkanne ko a weteaki. Amen.