Mwakoro 72
Kaotioti aika kaotaki rinanon Iotebwa Timiti te Burabeti, i Kirtland, Ohio, n Ritembwa 4, 1831. A mwaiti unimwaane ao kaain te ekaretia aika a ikotaki n reiakina tabeia ao ni karikirakeaki riki n reirein te Ekareia. Te mwakoro aei bon ikotakin teniua kaotioti ake a karekeaki n te bong ae ti teuana. Taian kibu aika 1 nakon 8 a kaota weteakin Newel K. Whitney bwa te bitiobi. E a manga weteaki ao ni katabuaki, i mwina a karekeaki kiibu 9 nakon 23, ake a anga riki rongorongo ni kaineti ma taben te bitiobi. I mwin aei, a karekeaki kibu 24 nakon 26, are a anga kaetieti ni kaineti ma te ikotaki nako Tion.
1–8, A riai unimwaane n anga rongorongon aia mwakuri n tararua nakon te bitiobi; 9–15, E kawakina te bata ni kaikobwai te bitiobi ao n tabe ibukiia kainnano ao ake akea aia bwai; 16–26, A riai bitiobi ni kakoaua bwa a tau unimwaane.
1 Ongora, ao kakauongo nakon bwanaan te Uea, O ngkami aika kam bane ni ikotaki, aika aibonga aika rietata n au ekaretia, nakoimi are kam anganaki te babanuea ao te mwaaka.
2 Bwa e koaua ae e taku te Uea, e riai irou bwa e na rineaki te abitiobi nakoimi, ke mai iroumi, nakon te ekaretia ni mwakoron ana nne ni kurebe te Uea aei.
3 Ao e koaua n te bwai aei ae kam a tia ni karaoa ae wanawana, bwa e kainanoaki iroun te Uea, ni baia nako ataan tararua, bwa a na anga brongorongon aia cmwakuri n tararua, n te tai aei ao n te tai ae akea tokina.
4 Bwa ane e kakaonimaki ao ni awanawana n te maiu n rabwata e taraaki bwa e tau ni bwaibwai ni bnne ni maeka are a katauraoaki ibukina iroun Tamau.
5 E koaua ae I tuangkami, unimwaanen te ekaretia ni mwakoron au anne ni kurebe aei a na anga rongorongon aia mwakuri n tararua nakon te bitiobi, are e na rineaki irou ni mwakoron au nne ni kurebe aei.
6 Bwaai aikai a na kawakinaki bwa te rongorongo, are e na anganaki te bitiobi i Tion.
7 Ao taben te abitiobi e na kaotaki n tuua are e a tia n anganaki, ao ni bwanaan te maungatabu.
8 Ao ngkai, e koaua ae I tuangkami, au tia mwakuri ae aNewel K. Whitney bon te aomata ae e na rineaki ao ni katabuaki nakon te mwaaka aei. Aio bon ana kantaninga te Uea ae Atuami, ami Tia Kaboingkami. Eng. Amen.
9 Ana taeka te Uea, ni ikotaki ma te tua are e a tia n anga, ni kaota taben te bitiobi are e a tia ni katabuaki nakon te ekaretia ni mwakoron te nne ni kurebe aei, are boni ngaia aei—
10 E na kawakina ana abata ni kaikobwai te Uea; ni karekei mwanen te ekaretia ni mwakoron te nne ni kurebe aei;
11 N anaa rongorongoia unimwaane n aron are e a kaman taekinaki; ao n aanga te ibuobuoki nakon te bwai ae a kainnanoia, are a na kabooa te bwai are a karekea, n teimatoa ni kabwaka ngkana iai irouia;
12 Bwa e aonga naba aio ni katabuaki ibukin ae raoiroi ibukin te ekaretia, ibukiia kainnano ao ake akea aia bwai.
13 Ao ane akea airouna ae na kabwaka iai, e na tauaki mwiina ao n anganaki te bitiobi i Tion, are e na kabwara te tarau man are e na kaaki te Uea i nanon baina.
14 Ao aia mwakuri taan kakaonimaki ake a mwakuri ni bwain te tamnei, n anga te euangkerio ao bwain te abanuea nakon te ekaretia, ao nakon te aonaba, bwa kabwaraan aia tarau nakon te bitiobi i Tion;
15 E kabwaraaki man te ekaretia, bwa ni kaineti ma te atua are aomata nako ake a roko nakon Tion a na kawenei bwaai ni kabane i matan te bitiobi i Tion.
16 Ao ngkai, e koaua ae I tuangkami, bwa ibukina bwa unimwaane ni kabane ni mwakoron te nne ni kurebe aei a na riai n anga rongorongon aia mwakuri n tararua nakon te bitiobi ni mwakoron te nne ni kurebe aei—
17 Te abeeba ni kakoaua mai iroun te tia moti ke te bitiobi ni mwakoron te nne ni kurebe aei, nakon te bitiobi i Tion, e karikiia aomata nako bwa a na butimwaeaki, ao e kakoroi ibukin bwaai ni kabane ake a kainnanoaki, ibukin te bwaibwai, ao ni butimwaeaki bwa te btia tararua ae wanawana ao te tia mwakuri ae kakaonimaki;
18 Ngkana akea e na aki butimwaeaki iroun te bitiobi i Tion.
19 Ao ngkai, e koaua ae I tuangkami, a riai unimwaane ni kabane ake a na anga te rongorongo nakon te bitiobi n te ekaretia ni mwakoron te nne ni kurebe aei ni kariaiakaki man te mwanga ke mwangan nako te ekaretia, are e mwakuri iai, bwa e aonga ni butimwaeaki ngaia ao ana rongorongo ni bwai ni kabane.
20 Ao teuana riki, a riai au tia mwakuri ake a rineaki bwa taan tararua i aon bwaai ake a irekereke ma akoroboki n au ekaretia ni bubuti te ibuobuoki nakon te bitiobi ke bitiobi ni bwaai ni kabane—
21 Bwa a aonga akaotioti ni boretiaki, ao ni waaki nako nako tabotabon te aonaba; bwa aonga naba ni karekei mwaane ake e na kabwaia iai te ekaretia ni waaki nako;
22 Bwa aonga naba ni kona ni kaotia bwa a butimwaeaki ni bwaai ni kabane, ao ni warekaki bwa taan tararua aika a wanawana.
23 Ao ngkai, noria, e na riki aio bwa te banna ibukin mwanga ni kabane n taabo aika kaokoro n au ekaretia, n aba nako are a na kateaki iai. Ao ngkai I katoka au taetae ni kawai. Amen.
24 Aikai tabeua taeka irarikin tuan te abanuea, ibukiia kaain te ekaretia—ngaiia ake a arineaki iroun te Tamnei ae Tabu bwa a na nako nakon Tion, ao ngaiia ake a anganaki te tibwanga n nako nakon Tion—
25 A riai ni uotii nakon te bitiobi aia beeba ni kakoaua mai irouia unimwaane aika teniman n au ekaretia, ke te beeba ni kakoaua mai iroun te bitiobi;
26 Ane e na nako nakon aban Tion e na aki taraaki bwa te tia tararua ae e wanawana ngkana e aki. Aio naba te banna. Amen.