Mwakoro 54
Kaotioti ae kaotaki rinanon Iotebwa Timiti te Burabeti nakon Newel Knight, i Kirtland, Ohio, n Tuun 10, 1831. Kaain te Ekaretia ake a maeka i Thompson, Ohio, a bobuaka aia iango i aon iango aika a irekereke ma katabuan bwai. A kaoti taian tinanikubeka ao bwangantauti. I mwin ana mition nakoia tenaan Shakers (taraa te kabwarabwara nakon mwakoro 49), Leman Copley e a tia n urua ana berita ae tabu ni katabua ana nne ni man ae bubura bwa abaia ni bwaibwai Aomata aika Itiaki ake a na roko mai Colesville, i New York. N tokina, Newel Knight (te tia kairiri irouia kaain te Ekaretia ake a maeka i Thompson) ao tabeman unimwaane a roko nakon te Burabeti n titiraki bwa tera ae a na karaoia. Te Burabeti e bubutia te Uea ao e karekea te kaotioti aei, are a tuangaki iai kaain te Ekaretia i Thompson bwa a na kitana ana tabo ni man Leman Copley ao ni mwananga nako Missouri.
1–6, Aomata aika Itiaki a riai ni kawakina ana berita ae tabu te euangkerio ibukin karekean te nanoanga; 7–10, A riai n tataonakinnano n taian rawawata.
1 Nooria, e taku te Uea, are aArebwa ao Omeka, te moan ao te kabane, are ngaia are e btauraki ibukin buren te aonaba—
2 Nooria, e koaua, e koaua, ae I tuangko, au tia mwakuri ae Newel Knight, ko riai n tei ni matoatoa n te nakoa are I a tia n rineiko nako iai.
3 Ao ngkana a tangiria tarim bwa a na aki rootaki irouia aia kairiribai, a riai n raira nanoia man aia bure ni kabane, ao n ananorinano raoi imatau ao n raraoma.
4 Ao ibukina bwa te aberita ae tabu are a karaoia nakoiu e a tia n uruaki, ngaia are e a riki ni bkaakeaki ao n akea mwiina.
5 Ao e na reke kain are e karaoa te abure aei, bwa e raoiroi riki irouna bwa e na bwabwa i kabin marawa.
6 Ma a kakabwaiaki ake a kawakina te berita ae tabu ao n ongeaba nakon te tua, bwa a na karekea te ananoanga.
7 Mangaia are, waaki ngkai ao biri nako man te aba, bwa aonga n aki roko ami kairiribai i aomi; ao mwananga, ao n rinea ane kam taku bwa ami mataniwi, ao e na kabwaka mwane ibukimi.
8 Ao ngkanne kam riai ni mwananga nakon taabo ake i maeao, nakon te aba are aMissouri, nakon tian abaia Reimwanaite.
9 Ao i mwin tian ami mwamwananga, nooria, I tuangkami, ukoukora aboutokakimi n aekaia aomata nako, ni karokoa I katauraoa te tabo ibukimi.
10 Ao teuana riki, bwaina te ataonakinnano n taian rawawata ni karokoa I broko; ao, nooria, E tawe rokou, ao iriau au kanuanga, ao naake a tia ni moantaai ni cukoukorai a na karekea draun tamneia. Eng. Amen.