Mwakoro 8
Kaotioti nakon Oliver Cowdery ae kaotaki rinanon Iotebwa Timiti te Burabeti, i Harmony, Pennsylvania, n Eberi 1829. I nanon rairan Ana Boki Moomon, Oliver, are e reitinako n beku bwa te tia koroboki, ni korei ana taeka te Burabeti nakoina, e tangiria bwa e na anganaki te bwai n tituaraoi n rairairi. E kaeka te Uea nakon ana bubuti ao n anga te kaotioti aei.
1–5, A roko kaotioti man mwaakan te Tamnei ae Raoiroi; 6–12, Atatai ibukin ana mwakuri te Atua aika a raba ao te mwaaka n rairii rongorongon taai ake ngkoa a bon roko man te onimaki.
1 E koaua, e koaua, ae I tuangko, aOliver Cowdery, e koaua n aron ae maiu te Uea, are ngaia Atuam ao am Tia Kaboko, ngaia are ko na bon karekea te bataibwai ni bwaai nako ake ko na cbubuti n te onimaki, ma te nano ae kokoaua, ni kakoaua bwa ko na bon karekea te ataibwai ni kaineti ma taian koroboki n dtaian rongorongo ni kawai, ake ngkoa, are kanoana mwakoron au koroboki ae tabu are e a tia n taekinaki n ana ekaotioti Tamneiu.
2 Eng, nooria, N na bon atuangko n am iango ao binanom, rinanon te cTamnei ae Raoiroi, are e na roko i aom ao are e na maeka inanom.
3 Ngkai, nooria, aio tamnein te kaotioti; nooria, aio te tamnei are ngaia are e kairiia iai tibun Iteraera Mote rinanon aTaari are Uraura i aontano ae mwau.
4 Mangaia are aio te bwai n tituaraoi iroum; kamanena raoi, ao ko na kakabwaiaki, bwa e na kamaiuko mai nanon baia am kairiribai, ma ngkana tiaki anne, a na bon kamateko ao n uota tamneim nakon te tiringaki.
5 O, uringi ataeka aikai, ao kawakini au tua. Uringnga, aio te bwai n tituaraoi nakoim.
6 Ngkai tiaki tii aio te bwai n tituaraoi iroum; bwa iai riki te bwai n tituaraoi iroum, are te bwai n tituaraoi are iroun Aaron; nooria, e a tia n tuangako bwaai aika a mwaiti;
7 Nooria, akea riki te mwaaka, ma ti mwaakan te Atua, are e kona ni karika te bwai n tituaraoi are iai iroun Aaron bwa e na mena iroum.
8 Mangaia are, tai raraoma, bwa bon ana bwai n tituaraoi te Atua; ao ko na taua ni baim, ao ni karaoi mwakuri aika a kamimi; ao a na akea te mwaaka ae konaa n anaia mai nanon baim, bwa bon ana mwakuri te Atua.
9 Ao, mangaia are, bwaai ni kabane are ko na bubutiai bwa N na tuangko rinanon te bwaintituaraoi anne, te bubuti anne N na bon anganiko, ao e na bon reke te atatai anne iroum.
10 Uringnga bwa n akean te aonimaki ao akea te bwai ae ko kona ni karaoia; mangaia are bubuti n te onimaki. Tai bakanrerei bwaai aikai; tai bbubuti ibukin te bwai ae ko aki riai ni bubuti ibukina.
11 Bubuti bwa ko aonga n atai ana bwai te Atua aika a raba, ao bwa ko aonga n arairairi ao ni karekei rabakau man taian rongorongo ake ngkoa ake a tia ni karabaaki, aika a tabu; ao ni kaineti ma am onimaki ao e na bon karaoaki nakoim.
12 Nooria, boni Ngai are I taekini; ao boni Ngai naba are I taekini nakoim man te moan tai. Amen.