Mwakoro 33
Kaotioti ae kaotaki rinanon Iotebwa Timiti te Burabeti nakon Ezra Thayre ao Northrop Sweet, i Fayette, New York, n Okitobwa 1830. Ngke e kabwarabwaraki te kaotioti aei, e taekinaki n rongorongon Iotebwa Timiti bwa “te Uea … e tauraoi n taai nako n reireinia naake a teimatoa n ukouke ma te onimaki.”
1–4, A weteaki taan mwakuri n te katebwi ma teuana n aoa bwa a na taekina te euangkerio; 5–6, E kateaki te Ekaretia, ao a nang ikotaki naake a tia n rineaki; 7–10, Raira nanom, bwa e a kaan roko uean karawa; 11–15, E kateaki te Ekaretia i aon bwaan te euangkerio; 16–18, Katauraoingkami ibukin rokon te Tia Iein.
1 Nooria, I tuangkami, au taan mwakuri aika Ezra ao Northrop, kauki taningami ao ongo nakon bwanan te Uea ae Atuami, are e maiu ao e mwaaka ana ataeka, e kakang riki nakon te kabaang ae uaitera wiina, nakon bwenauaakin taian toma ma kanoan rii, ao te nano ao te tamnei, ao e bon atai taian iango ma ana bkantaninga te nano.
2 Bwa e koaua, e koaua, ae I a tuangkami bwa kam weteaki bwa kam na tabekaarake bwanaami n ai aron atangin te bu, n taekina au euangkerio nakon te roro ae baoua man aki ako.
3 Bwa nooria, e amainaina n tawa ngkai te nne n aroka nakon te taiaki; ao ai te bkatebwi ma teuana n aoa, ao te ckabanea n tai are N nang weteia taan mwakuri nakon au nne ni kurebe.
4 Ao au anne ni kurebe e a moanna ni bbuakaka ni mwakorokorona nako; ao bon akea ae e karaoa ae e craoiroi ma ti tabeman; ao a dkairua n tai aika mwaiti ibukin enakoanibonga aika kewe, a bane ni buakaka aia iango.
5 Ao e koaua, e koaua, I tuangkami, bwa te aekaretia aei ae I a tia ni bkateia ao ni kaotinakoa man te rereua.
6 Ao N na bon aikotiia naake I a tia n rineia man mwakoron te aonaba ake baua, ni kabane ake a kakoauaai, ao n ongo ni bwanaau.
7 Eng, e koaua, e koaua, I tuangkami, bwa e a mainaina n tawa ngkai te nne n aroka nakon te taiaki; ngaia are, karina i buakona am biti ni koro wiita, ao taia ma marurungim, am iango, ao korakoram ni kabane.
8 aKaurei wimii ao a na kanoaaki, ao kam na riki n ai aron bNibwaai are ngkoa, are e mwananga mai Ierutarem i nanon te rereua.
9 Eng, kaurei wiimi ao tai rawa n taetae, ao a na katokaaki taian aikota ni wiita i aon nukami, bwa nooria, I memena iroumi.
10 Eng, kaurei wimii ao a na kanoaaki, n taekina ae kangai: aRaira nanomi, raira nanomi ao katauraoa kawain te Uea, ao kaeti kawaina; bwa e a kaan roko uean karawa;
11 Eng, raira nanomi ao ni abwabetitooaki, n tatabemani ngkami nako, ibukin kamaunaan ami bure; eng, bwabetitooaki n te ran, ao i mwina e na roko te bwabetito n te ai ao n te Tamnei ae Raoiroi.
12 Nooria, e koaua, e koaua, I tuangkami, aio au aeuangkerio; ao uringnga bwa a na riai n iai aia onimaki irou ke a na aki kona ni kamaiuaki;
13 Ao i aon te abwaa aio N na katea au ekaretia; eng, kam kateaki i aon te bwaa aio, ao ngkana kam reitinako, e na bon aki tokanikai i aomi bmataroan moone.
14 Ao kam na uringii ni kawakin ana akaetieti ao ana berita aika tabu te ekaretia.
15 Ao ane e onimaki kam na akamatoa n au ekaretia, n te katoka bbai, ao N na katoka i aoia te cbwaintituaraoi ae te Tamnei ae Raoiroi.
16 Ao I anga Ana Boki Moomon ao akoroboki aika tabu ibukin breireiakimi; ao mwaakan Tamneiu e na ckamaiui bwaai ni kabane.
17 Mangaia are, bwaina te kakaonimaki, tataro n taai nako, ni katauraoi ami bwae ni kaura mwakai, ao ni iai ami bwaa iroumi, bwa kam aonga n tauraoi n rokon te aTia Iein—
18 Bwa nooria, e koaua, e koaua, ae I tuangkami, bwa e rangi n tawe arokou. Eng. Amen.