Mwakoro 73
Kaotioti ae kaotaki nakon Iotebwa Timiti te Burabeti ao Sidney Rigdon, i Hiram, Ohio, n Tianuare 10, 1832. Ni moan Ritembwa n te ririki are mai mwaina, te Burabeti ao Sidney a rang n tabetabe ni kabwarabwara, ao man aio a mwaiti ake a koro bukiia ni katoki namakin aika a aki raoiroi ake a tia n riki ni kaitara te Ekaretia (taraa te kabwarabwaran mwakoro 71).
1–2, A riai n reitinako unimwaane n tataekin; 3–6, A riai Iotebwa Timiti ao Sidney Rigdon n reitinako n raira te Baibara ni karokoa e tia.
1 Bwa e koaua, e taku te Uea, e riai irou bwa aa na reitinako n tataekina te euangkerio, ao ni kaungai mwangan te ekaretia n taabo nako aika uakaan, ni karokoa te maungatabu;
2 Ao ngkanne, nooria, e na kaotaki nakoia aia mition nako aika kakaokoro, ni abwanaan te maungatabu.
3 Ngkai, e koaua ae I tuangkami au taan mwakuri ae Iotebwa Timiti te Ataei ao Sidney Rigdon, e taku te Uea, e ariai bwa kam na manga brairairi;
4 Ao, ngkana kam teimatoa n aron angaraoina, ni kabwarabwara n taabo nako aika uakaan ni karokoa te maungatabu; ao i mwin anne e riai bwa kam na reitaa nako te mwakuri n rairairi ni karokoa e tia.
5 Ao e na riki aei bwa te banna nakoia unimwaane ni karokoa a karekeaki riki tabeua atatai, n aron ae e koreaki.
6 Ngkai akea riki ae N na anganingkami n te tai aei. aKabaei nukami ao taua ma nanomi. Eng. Amen.