Jekjōn 131
Naan in tōl jān Josep Smith Rikanaan eo, kar litok ilo Ramus, Illinois, Māe 16 im 17, 1843.
1–4, Selestial m̧are emennin aikuj n̄an mour āinwōt Anij ilo lan̄ eo eutiejtata; 5–6, Wāween sili armej n̄an mour indeeo em̧ōj kōmmeļeļeiki; 7–8, Aolep jetōb ej irinekkatak.
1 Ilo aiboojoj selestial ewōr jilu lan̄ ko ak tiikri ko;
2 Im n̄an bōk eo eutiejtata, juon armej eaikuj deļo̧n̄e laajrak in an priesthood eo [meļeļein bujen eo ekāāl im ejjeļo̧k jem̧ļo̧kin an m̧are];
3 Im eļan̄n̄e e ejjab, e ejjab maron̄ bōk e.
4 E maron̄ deļo̧n̄ ilo bar juon, a en̄in ej jem̧ļo̧kin aelōn̄ in kiin̄ eo an; e ejjab maron̄ wōr an ļapļo̧k.
5 (Māe 17, 1843.) Naan in kanaan epenļo̧k meļeļein an juon armej jeļā bwe e em̧ōj sili n̄an mour indeeo, jān revelesōn im jitōbōn kanaan, kōn kajoor eo an Priesthood eo Ekwōjarjar.
6 Juon armej ej jab maron̄ bōk lo̧mo̧o̧r ilo jajeļo̧kijeņ.
7 Ejjeļo̧k juon irinekkatak ejjeļo̧k kobban. Aolep jetōb ej irinekkatak, a eļapļo̧k an ekkwedik ak erreo, im maron̄ wōt kile kōn māj ko rerreoļo̧k;
8 Jejjab maron̄ lo e; a n̄e ānbwinnid rej karreo jenaaj lo bwe ej aolepān ej irinekkatak.