Jekjōn 21
Revelesōn leļo̧k n̄an Josep Smith Rikanaan eo, ilo Fayette, New York, Eprōļ 6, 1830. Revelesōn in kar leļo̧k e ilo iien eo kar karōk kobban Kabun̄ in, ilo raan in ba kake, ilo m̧weo im̧ōn Piter Whitmer Sr. Jiljino em̧m̧aan, ro rekar peptaij m̧oktaļo̧k, raar bōk kuņaer. Jān juon wōt ainikien armej rein rekar kwaļo̧k aer kōņaan im kijejeto n̄an karōke, ekkar n̄an kien eo an Anij (lale jekjōn 20). Raar barāinwōt kāālet n̄an bōk im rejetake Josep Smith Jr. im Oliver Cowdery āinwōt ritōl ro an aolepān Kabun̄ in. Kōn likūt pā ko ioon, Josep ālikin eaar kapit Oliver juon elder an Kabun̄ in, im Oliver eaar kapit Josep ijo jekjek in. Ālikin kōjeraam̧m̧an kwōjkwōj eo, Josep im Oliver rekar likūt peier ioon ro rekar bōk kuņaer ijeņ n̄an leļo̧k Jetōb Kwōjarjar im n̄an kapen kajjojo iaer āinwōt uwaan Kabun̄ in.
1–3, Kar kūr Josep Smith bwe en juon rilolo, riukok, rikanaan, rijjilōk im elder; 4–8, Naan eo an enaaj tōl jibadbad eo an Zaion; 9–12, Ro Rekwōjarjar renaaj tōmak naan ko an n̄e ej kōnono jān Rikaenōm̧m̧an.
1 Lo, enaaj wōr juon ļo̧o̧k kōjparoke ilubwiljimi; im ilowaan naaj kūr eok juon rilolo, juon riukok, juon rikanaan, juon rijjilōk an Jisōs Kraist, juon elder an kabun̄ eo kōn ankilaan Anij Jemān, im jouj an am Irooj Jisōs Kraist,
2 Kōnke kwo bab-laļ jān Jetōb Kwōjarjar n̄an kadedeļo̧k pedped eo, im n̄an kalōk e n̄an tōmak eo ekwōjarjar tata.
3 Kabun̄ eo me kar karōke kobban im kajutake ilo iiō eo an ad Irooj jon̄oulruwalitōkbukwi im jiln̄uul, ilo allōn̄ eo kein kāāmen, im ilo raan eo kein kajiljino ilo allōn̄ eo ņa etan Eprōļ.
4 Kōn menin, meļeļein kabun̄ in, kom̧ naaj eo̧ron̄ aolep naan ko im kien ko an ko enaaj liwōj n̄an kom̧ āinwōt an bōki, etetal ilo kwōjarjar otemjej Im̧aō;
5 Bwe naan an kom̧ naaj bōke, āinwōt n̄e jān Lo̧n̄iiū make, ilo aolep kōmmaanwa im tōmak.
6 Bwe jān kōm̧m̧ani men kein aor ko an hell rej jamin anjo̧ ņae kom̧; aaet, im Irooj Anij enaaj kajjeplōklōk kajoor ko an marok jān imami, im kōm̧m̧an bwe lan̄ ko ren wūdiddid n̄an em̧m̧an eo ami, im aiboojoj an Etan.
7 Bwe āindein Irooj Anij ej ba: E Iaar kabab-laļe n̄an kōm̧akūt jibadbad eo an Zaion ilo kajoor eļap n̄an em̧m̧an, im an tiljek I jeļā, im jar ko an Iaar ron̄.
8 Aaet, an liaajlo̧ļ kōn Zaion em̧ōj Aō loe, im Inaaj kōm̧m̧an bwe en jab būrom̧ōj kōn e ļo̧k wōt; bwe raan ko in an m̧ōņōņō rej itok n̄an jeorļo̧k in jero̧wiwi ko an, im alikkar ko in kōjeraam̧m̧an ko Aō ioon jerbal ko an.
9 Bwe, lo, Inaaj kōjeraam̧m̧an aolep ro rej jerbal ilo jikin kallib grep eo Aō kōn juon jeraam̧m̧an eo ekajoor, im renaaj tōmak ioon naan ko an, ko rej liļo̧k n̄an e kōn N̄a jān Rikaenōm̧m̧an eo, eo ej kaalikkar bwe Jisōs eaar debwāāl jān armej ro rejero̧wiwi kōn jero̧wiwi ko an laļ, aaet, kōn jeorļo̧k in jero̧wiwi ko n̄an bōro eo ettā.
10 Kōn menin ekkar n̄an Eō bwe e en aikuj en ekkapit jān kwe, Oliver Cowdery Aō rijjilōk;
11 Im men in ej juon kain̄i n̄an eok, bwe kwōj juon elder ium̧win pein, āindein kōnke e ej kajuon n̄an eok, bwe kwōn maron̄ juon elder n̄an kabun̄ in an Kraist, eo ej etņake Eta—
12 Im rikwaļo̧k naan eo m̧oktata jān kabun̄ in n̄an kabun̄ in, im im̧aan laļ in, aaet, im̧aan ro riAelōn̄ ko; aaet, im āindein Irooj Anij ej ba, lo, lo! n̄an riJu raņ barāinwōt. Amen.