Jekjōn 32
Revelesōn letok kōn Josep Smith Rikanaan eo n̄an Parley P. Pratt im Ziba Peterson ilo Manchester, New York, jinoin Oktoba 1830. Eļap itok-limo im kōņaan kar en̄jake jān elder ro kake riLeman ro, ro im aer kōjeraam̧m̧an ko Kabun̄ in eaar jeļā kaki jān Bok in Mormon. Jān wōt men in, owar ekar kōm̧m̧an bwe Irooj en kaalikkar Ankilaan eļan̄n̄e aikuj in jilkinļo̧k elder ro ilo iien in n̄an bwij ko an riIndian ro ilo Rilik. Revelesōn in eaar jebar.
1–3, Parley P. Pratt im Ziba Peterson kar kūr er n̄an kwaļo̧k naan n̄an riLeman ro im n̄an etal ippān Oliver Cowdery im Piter Whitmer Jr.; 4–5, Rej aikuj jar kōn juon meļeļe kōn jeje ko rekwōjarjar.
1 Im kiiō kōn rikarejera Parley P. Pratt, lo, Ij ba n̄an e bwe āinwōt Aō mour ej Ankilaō bwe en kwaļo̧k gospel eo Aō im ekkatak jān Eō, im en ettā im ettā ilo bōro.
2 Im bwe men eo me Iaar jitōn̄e n̄an e ej bwe en etal ippān ro rikarejera, Oliver Cowdery im Piter Whitmer, Jun., ļo̧k ilo āne jem̧aden ilubwiljin riLeman raņ.
3 Im Ziba Peterson barāinwōt enaaj etal ippāer; im N̄a make Inaaj etal ippāer im pād ilubwiljier; im Inaaj aer rijojomar ippān Jemān, im ejjeļo̧k enaaj anjo̧ ņae er.
4 Im renaaj ron̄jake men eo me em̧ōj jeje, im jab kine bar jet revelesōn ko; im renaaj jar iien otemjej bwe In maron̄ erļo̧ke ejja men in wōt n̄an jeļā eo aer.
5 Im renaaj ron̄jaki naan kein im jab kajejtokjeer, im Inaaj kōjeraam̧m̧an er. Amen.