Li xb’een winq yo’ob’tesinb’il sa’ li ruchich’och’.
Laj Adan a’an lix yuwa’ ut xjolomil chixjunileb’ lix teepaleb’ li winq sa’ li ruchich’och’. Xb’aan li q’etok aatin kixb’aanu sa’ li Awimq Eden (Gen. 3; Tz. ut S. 29:40–42; Mois. 4) laj Adan “kit’ane’” ut ki’ok sa’ li yu’am wan wi’ li kamk, a’an li ki’ajman ru re naq eb’ li winq te’ruuq chi chaab’ilo’k sa’ li ruchich’och’ (2 Ne. 2:14–29; Alma 12:21–26). Chi jo’kan tento raj xnimankil ru laj Adan ut li xEva sa’ xk’ab’a’ li ke’xb’aanu re taaruuq taa’uxmanq qachaab’ilob’resinkil re junelik. Laj Adan a’an li Najter Xkutankil, ut a’an ajwi’ laj Miguel xk’ab’a’ (Dan. 7; Tz. ut S. 27:11; 107:53–54; 116; 138:38). A’an li taqenaqil anjel (Tz. ut S. 107:54), ut taak’ulunq wi’chik sa’ li ruchich’och’ jo’ xyuwa’il lix junkab’aleb’ li winq (Tz. ut S. 116).