Judas, riitz’in li Jesus

Li hu a’in a’an jun li hu kixtz’iib’a laj Judas rik’in junjunq reheb’ laj santil paab’anel li yookeb’ chi q’uno’k sa’ li paab’aal. Wankeb’ chi q’unob’resinb’il xb’aaneb’ li wankeb’ sa’ xyanqeb’ li Kristianeb’ neke’xye rib’, a’b’an yookeb’ chixb’aanunkil li yib’ ru aj loq’onink jo’eb’ li maak’a’eb’ xnawom chirix li Dios, ut neke’xye naq li chaq’rab’ maak’a’ xwankil sa’ xb’eeneb’. Laj Judas kiraj rajsinkileb’ ru laj santil paab’anel chirix li xik’ wankeb’ wi’, ut xwaklesinkileb’ xch’ool re naq tiikaqeb’ chi paab’ank.

Junjunq li xnimal ru aatin sa’ Judas a’an li raqal 6, li naxye resil li pleet kiwan sa’ choxa ut naq ke’isiik chaq laj Lucifer ut eb’ lix anjel rub’elaj li ruchich’och’ (Abr. 3:26–28), ut li raqal 14–15, li naxye jun profeetil aatin yeeb’il xb’aan laj Enok.