Profeetil aatin, aatinak jo’ profeet

Jun li profeetil aatin a’an aatin malaj tz’iib’ahom li musiq’anb’il xb’aan li Dios, li naxk’ul junaq chi k’utb’esinb’il xb’aan li Santil Musiq’ej. Li yaal ch’olob’anb’il chirix li Jesus a’an li musiq’ej re profeetil aatin (Apok. 19:10). Junaq profeetil aatin naru na’aatinak chirix li k’a’ru ak xk’ulman, li yoo chi k’ulmank, malaj li toj taak’ulmanq. Naq na’aatinak junaq jo’ profeet, naxye malaj naxtz’iib’a li k’a’ru naraj li Dios naq tixnaw, choq’ re lix chaab’ilal a’an malaj lix chaab’ilaleb’ jalan chik. Junaq winq malaj ixq naru chixk’ulb’al li profeetil aatin, malaj li k’utb’esinb’il na’leb’, choq’ re tz’aqal lix yu’am a’an.