Xk’ojob’ankil wi’chik li evangelio

Li Dios kixk’ojob’ wi’chik li yaal ut li k’ojob’anb’il k’anjel re lix evangelio sa’ xyanqeb’ li winq sa’ li ruchich’och’. Lix evangelio li Jesukristo kisach chaq sa’ li ruchich’och’ xb’aan li q’etok paab’aal li kik’ulman chirix lix k’anjeleb’ lix Apostol li Kristo sa’ li ruchich’och’. Xb’aan li q’etok paab’ank a’an, ki’ajman ru xk’ojob’ankil wi’chik li evangelio. Rik’in li k’utb’esinb’il matk’, lix k’anjeleb’ li anjel, ut li na’leb’ k’utb’esinb’il chiruheb’ li winq sa’ li ruchich’och’, li Dios kixk’ojob’ wi’chik li evangelio. Li k’ojob’ank wi’chik kitikla rik’in li Profeet aj Jose Smith (JS—R 1; Tz. ut S. 128:20–21) ut toj yoo chi uxmank sa’ li kutan a’in rik’in lix k’anjeleb’ li yo’yookil profeet re li Qaawa’.