Urim ut Tumim

K’anjeleb’aal kawresinb’il xb’aan li Dios re xtenq’ankileb’ li winq chixk’ulb’al li k’utb’esinb’il na’leb’ ut chixjaltesinkil ru li aatinob’aal. Sa’ li aatinob’aal Hebreo li aatin naraj naxye “eb’ li saqen ut li tz’aqalil re ru.” Li Urim ut Tumim a’an wiib’ li pek k’eeb’il sa’ li k’onk’ookil ch’iich’ plaat, ut wan naq oksinb’il rik’in jun li xramb’al ru ch’oolej (Tz. ut S. 17:1; JS—R 1:35, 42, 52). Li ruchich’och’ a’in taawanq choq’ nimla Urim ut Tumim naq taawanq chi santob’resinb’il ru ut chi maak’a’ xkamik (Tz. ut S. 130:6–9).