Jun Apostol sa’ li Ak’ Chaq’rab’. Lix k’ab’a’ laj Pablo a’an laj Saul (Sawlo) sa’ Hebreo, ut a’an li k’ab’a’ej kiroksi toj reetal naq kixtikib’ lix taqlanb’il k’anjel rik’ineb’ laj Gentil. A’an junxil kixrahob’tesi li Iglees, a’b’an kijale’ xch’ool chirix lix yaalalil naq kiril li Jesukristo sa’ k’utb’esinb’il matk’. Laj Pablo kixb’aanu oxib’ nimla b’eenik jo’ aj k’amol aatin, ut kixtz’iib’a k’iila hu rik’ineb’ laj santil paab’anel. Kaalaju reheb’ li hu a’in wankeb’ choq’ jun raqal li Ak’ Chaq’rab’ anajwan. Sa’ roso’jik kik’ame’ Roma jo’ preex ut kikamsiik, maare sa’ xtiklajik li saq’ehil 65 chihab’ chirix li Kristo.