Dua a kita ti parsua iti langit a managan iti anghel: dagiti espiritu ken dagiti addaan iti bagi a lasag ken tulang. Awan pay ti bagi a lasag ken tulang dagiti anghel nga espiritu, wenno espirituda a naaddaan idin iti matay a bagi ket agur-urayda iti panagungarda. Nagungaren wenno nagbalbaliwen dagiti anghel nga addaan iti bagi a lasag ken tulang.
Adu dagiti pagsurotan iti nasantuan a kasuratan iti aramid dagiti anghel. Agsao no dadduma dagiti anghel a kasla gurruod iti panangidanonda kadagiti mensahe ti Dios (Mosiah 27:11–16). Mabalin met a maawagan nga anghel dagiti nalinteg a mortal a tao (PJS, Gen. 19:15). Adda dagiti anghel nga agserserbi iti trono ti Dios iti langit (Alma 36:22).
Agapaden pay dagiti nasantuan a kasuratan dagiti anghel ti sairo. Isuda dagiti espiritu a simmurot ken ni Lucifer ken pinapanaw ti Dios iti imatangna idi sakbay daytoy a biag ket naipanda iti daga (Apoc. 12:1–9; 2 Ne. 9:9, 16; DkK 29:36–37).