Aramid ti Misionario Kitaen met ti Ebanghelio; Mangasaba Ibinglay ti ebanghelio ni Jesucristo babaen ti balikas ken pagwadan. Anian a nagpintas kadagitoy bambantay dagiti dapan ti mangiwarnak iti pannakaisalakan, Isa. 52:7. Siak ti mangbirok kadagiti karnerok ket siak ti mangsapul kadakuada, Eze. 34:11. Ikasabayo ti ebanghelio iti tunggal parsua, Mar. 16:15 (Morm. 9:22). Natangkenanen dagiti taltalon ket mabalinen nga anien, Jn. 4:35. Ket kasano a ti panangikasabadanto no saandanto a maibaon, Rom. 10:15. Isuroyo kadakuada ti balikas ti Dios a sireregta, Jacob 1:19. Ipalubos ti Apo kadagiti amin a pagilian a maisuro ti balikasna, Alma 29:8. Mabalin nga ipakdaar dagiti nalupoy ken nanumo ti ebanghelio, DkK 1:23. Dandanin dumteng ti nakaskasdaaw nga aramid, DkK 4:1. No agtrabahokayo iti unos ti panagbiagyo ket yegyo uray maysa la a kararua kaniak anianto la ketdin a rag-oyo, DkK 18:15. Denggen dagiti pilik ti timekko ket saanda a patangkenen ti puspusoda, DkK 29:7. Mapankayo a mangikasaba iti ebangheliok, a sagdudua, DkK 42:6. Masapul a maisaknap ti aweng manipud ditoy, DkK 58:64. Ungapenyo dagiti ngiwatyo a mangipakdaar iti ebangheliok, DkK 71:1. Ipakdaaryo ti kinapudno a maibatay iti paltiing ken bilin, DkK 75:4. Ballaagan ti tunggal tao a naballaaganen ti padana a tao, DkK 88:81 (DkK 38:40–41). Itedto ti Apo ti kasapulan dagiti kaamaan dagiti mangikasaba iti ebanghelio, DkK 118:3. Mapanto dagiti katulongan ti Dios, DkK 133:38. Ituloyto dagiti napudno nga elder, inton matayda, ti aramidda, DkK 138:57.