Ti panangipatay iti dakulap iti ulo ti tao a paset ti ordinansa ti kinasaserdote. Adu nga ordinansa ti kinasaserdote ti maaramid babaen ti panangipatay iti dakulap, kas iti panangorden, panagbendision, panagannong iti masakit, panangpatalged iti kinakameng ti Simbaan, ken pannangted iti Espiritu Santo.
Impatay ni Jesus ti dakulapna kadagiti masakit ket inagasanna ida, Mar. 6:5 (Morm. 9:24 ).
Impatay dagiti Apostol ti dakulapda kadagiti pito a mangtarabay kadakuada, Ara. 6:5–6 .
Naited ti Espiritu Santo babaen ti panangipatay iti dakulap, Ara. 8:14–17 .
Impatay ni Ananias dagiti dakulapna ken ni Saulo ket insublina ti panagkitana, Ara. 9:12, 17–18 .
Impatay ni Pablo dagiti dakulapna ket inagasanna, Ara. 28:8 .
Insuro ni Pablo ti doktrina ti panagbuniag ken ti panangipatay kadagiti dakulap, Heb. 6:2 .
Nagorden ni Alma iti saserdote ken elder babaen ti panangipatay kadagiti dakulap, Alma 6:1 .
Inikkan ni Jesus dagiti disipulona iti bileg a mangted iti Espiritu Santo babaen ti panangipatay kadagiti dakulap, 3 Ne. 18:36–37 .
Siasino man a pangipatayanyo kadagiti dakulapyo, itedyonto ti Espiritu Santo, Moro. 2:2 .
Nasken nga ipatay dagiti elder dagiti dakulapda kadagiti ubbing tapno bendisionanda ida, DkK 20:70 .
Awatendanto ti Espiritu Santo babaen ti panangipatay kadagiti dakulap, DkK 35:6 (PP 1:4 ).
Ipatay dagiti elder dagiti dakulapda kadagiti masakit, DkK 42:44 (DkK 66:9 ).
Nasken a maipatay dagiti dakulap kadagiti ubbing kalpasan ti pannakabuniagda, DkK 68:27 .
Maawat ti kinasaserdote babaen ti pannakaipatay dagiti dakulap, DkK 84:6–16 .