Ti nainkalintegan a katulagan wenno kontrata iti nagbaetan ti lalaki ken ti babai a mamagbalin kadakuada nga agassawa. Inordenan ti Dios ti panagasawa (DkK 49:15).
Baro ken agnanayon a katulagan ti panagasawa
Maaramid ti panagasawa iti babaen ti paglintegan ti ebanghelio ken ti nasantuan a kinasaserdote a para iti daytoy a biag ken iti agnanayon. Mapaglantip dagiti maikari a lallaki ken babbai iti templo ket mabalinda nga ituloy ti agbalin nga agassawa iti agnanayon.
Panagasawa nga agsupadi ti pammati
Panagasawa ti lalaki ken babai nga aggidiat ti pammatida iti relihion ken kannawidan.
Panagasawa iti adu
Ti panagasawa ti lalaki iti adu. Nainkalintegan a maysa laeng ti asawa ti lalaki, malaksid no ibilin ti Apo babaen ti paltiing (Jacob 2:27–30). Babaen ti paltiing, nasurot ti panagasawa iti adu iti panawen ti Daan a Tulag ken kadagiti nagkauna nga aldaw ti naisubli a Simbaan babaen ti panangiturong ti propeta nga akin-iggem kadagiti tulbek ti kinasaserdote (DkK 132:34–40, 45). Saanen nga ar-aramiden ti Simbaan (DkK OP—1); ita, saan a mayannatup ti maaddaan iti ad-adu ngem maysa nga asawa ti kameng iti Ti Simbaan ni Jesucristo Dagiti Santo iti Ud-udina nga Aldaw.