Saritaen ti nasantuan a kasuratan dagiti kararua iti tallo a wagas: (1) espiritu a nabiag, agpadpada a sakbay ken kalpasan daytoy a biag (Alma 40:11–14; Abr. 3:23); (2) ti espiritu ken ti bagi nga agtipon iti pannakatay (Abr. 5:7); ken (3) ti saan a matay, nagungar a tao a ti espiritu ken ti bagina saanen nga agsina (Alma 40:23; DkK 88:15–16).
Pateg dagiti kararua
Espiritu nga annak ti Dios amin a tao. Patpatgenna amin nga annakna ket ibilangna ti tunggal maysa a napateg. Gapu ta annakna ida, kabaelanda ti agbalin a kas kenkuana. Ngarud, napategda unay.