Saan a Matay, Kinaagnanayon Kitaen met ti Jesucristo; Mangsubbot, Pannubbot; Matay, Pannakatay; Panagungar; Pannakaisalakan Ti kasasaad a panagbiag nga agnanayon kalpasan ti panagungar, a saanen a matay. Nagungaren, Mar. 16:6. Kas ken ni Cristo mabiagto ti amin, 1 Cor. 15:22. Mapukawto ti patay no ti patay rimbawanton ti kinaagnanayon, 1 Cor. 15:53–54. Dinadael ni Cristo ti patay ket inyegna ti kinaagnanayon, 2 Tim. 1:10. Panagsubli manen ti espiritu ken ti bagi ti kinaagnanayon, 2 Ne. 9:13. Agbalin a saan a matay ti espiritu a makitipon manen iti bagida, Alma 11:45. Makoronaanto dagiti napudno iti saan nga ipapatay ken agnanayon a biag, DkK 75:5. Mapasanto ken saan a matay ti daga, DkK 77:1 (DkK 130:9). Nasken a ti aramid ken gloria ti Dios ti mangipatungpal iti saan nga ipapatay ken ti agnanayon a biag iti tao, Moises 1:39.