O Faafanua ma le Faasinoupu o Igoa o Nofoaga
O faafanua oloo mulimuli mai e mafai ona fesoasoani ia te oe e te malamalama atili i le uluai talafaasolopito o le Ekalesia a Iesu Keriso o le Au Paia o Aso e Gata Ai ma tusitusiga paia sa faaalia e ala i le Perofeta o Iosefa Samita ma ona sui. O le iloa o le tala i laufanua o loo talanoaina i tusitusiga paia, e mafai ai ona e malamalama atili ai i mea faatusitusiga paia na tutupu.
O le faasinoupu o igoa o nofoaga e tusa ma le faitau pi e mafai ona fesoasoani ia te oe e te vaaia se nofoaga faapitoa i faafanua. O faamaumauga taitasi e aofia ai le numera o le faafanua ona mulimuli ane lea o le faasinomea o le tuufaatasiga o se mataitusi ma se numera. Mo se faataitaiga, o le mea e tu ai le Olo o Hala o loo tuuina mai o le 6:E1; o lona uiga, faafanua 6, sikuea E1. E mafai ona e vaaia sikuea faapitoa i faafanua taitasi e ala i le vaai atu i faailo i le pito i luga ma le autafa o lena faafanua. O isi igoa e iloa ai nofoaga o loo lisi i totonu o le faaʼofuʼofu; mo se faataitaiga, Konesila Palafu (Kanesavile).
O loo mulimuli ane o le ki i le malamalama i faailoga ma ituaiga o lomiga eseese o faaaoga i faafanua. Faapea foi, e mafai ona i ai i faafanua taitasi ki ma faamatalaga o faailoga faaopoopo e faatatau i lena lava faafanua.
- ●
-
O le togi lanu mumu e sui i se aai po o se nuu. O ni isi taimi e mafai ona tusi ane le laina mai le togi i le igoa o le aai po o le nofoaga.
- Vasa Atalani
-
O lenei ituaiga o lomiga oloo faaaoga e faailoga ai nofoaga tau le tala i le lalolagi, e pei o vasa, sami, vaituloto, vaitafe, mauga, vao, vanu, toafa, ma motu.
- Palamaira
-
O lenei ituaiga o lomiga o loo faaaoga mo aai ma nuu.
- Niu Ioka
-
O lenei ituaiga o lomiga o loo faaaoga mo vaevaega faalemalo laiti, e pei o risone, ma setete ma teritori o le I.S.
- Kanatao
-
lenei ituaiga o lomiga oloo faaaoga mo vaevaega faalemalo tetele, e pei o atunuu, malo, ma konetineta.