O Ata o Nofoaga o le Talafaasolopito o le Ekalesia

O nei ata o nofoaga taua o le talafaasolopito o le Ekalesia o loo faaalia mai ai laueleele sa savavali ai tagata muamua o le Au Paia o Aso e Gata Ai, o mea sa nonofo ma aoao atu ai perofeta o onapo nei, ma mea sa tutupu ai le tele o mea faatusitusiga paia. Ina ia fesoasoani atili ia te oe ona faaaoga ata i au suesuega, o loo taitasi le ata ma le faamatalaga puupuu. O le numera o le faamatalaga ma le autu e tutusa ma le numera ma le autu o le ata. O le palakalafa muamua o loo mulimuli i le autu o le faamatalaga e faamatalaina le tulaga o le ata, e aofia ma mea taua e vaai i ai ma i le tele o ata po o le a le tulaga sa faasaga i ai le tagata pue ata. Ona lisi lea o mea faatusitusiga paia taua sa tupu i lena eria, faatasi ma mau ina ia e iloa po o fea e mafai ona e faitau atili ai e uiga i na mea.